ఆమె స్పీడ్ తట్టుకోవడం కష్టం.. దడదడలాడించింది.. ధనుష్

వరలక్ష్మీ చాలా స్పీడ్‌గా

వరలక్ష్మీ శరత్ కుమార్ చాలా స్పీడ్‌గా డైలాగ్స్‌ చెబుతూ దడదడలాడించింది. ఆమె వేగాన్ని తట్టుకోవడానికి చాలా కష్టపడ్డాను. నేను ఇంతవరకు అంత స్పీడ్‌గా డైలాగ్స్ చెప్పేవారితో నటించడం ఇదే మొదటిసారి.

వరలక్ష్మీ వేగాన్ని తట్టుకోవడం

వరలక్ష్మీ విభిన్నమైన నటి. సెట్స్‌లో చాలా సహజంగా దూసుకెళ్తుంది. ఆమె వేగాన్ని నేనే కాదు.. ఎవరూ తట్టుకోలేరు. డైలాగ్స్ చెప్పడమే కాదు.. భావోద్వేగాలు పండించడంలో కూడా ఆమె దిట్ట. ఆమెతోపాటు డైలాగ్స్ చెప్పడం నాకు చాలా కష్టమైంది అని ధనుష్ పేర్కొన్నారు.

సాయిపల్లవి మహిళా నేతగా

మారి-2 చిత్రంలో సాయిపల్లవిది చాలా కీలకమైన పాత్ర. ఇప్పటికే సాయి పల్లవి పాత్ర క్రేజీగా మారింది. తమిళనాడు, కేరళలో ఆమె క్యారెక్టర్‌కు అనూహ్యమైన స్పందన వస్తున్నది. తప్పకుండా సినిమాకు సాయి పల్లవి స్పెషల్ ఎట్రాక్షన్ అవుతుంది. ఇప్పటికే ఆమెను మహిళా నాయకురాలు అని పిలుస్తున్నారు. అంతేకాకుండా నటుడు రోబో శంకర్ కూడా సాయి పల్లవిని పొంబాలా తలా అని పిలవడం గమనార్హం.

వారిద్దరూ లేకుంటే ఎలా

మారి-2 సినిమాలో రోబో శంకర్, వినోద్ పాత్రలు వెన్నుముక లాంటివి. షూటింగ్ సమయంలో వారిద్దరూ లేకుంటే ఎలా ఉంటుందో ఊహించుకోలేను. వారిద్దరితో షూటింగ్ సరదాగా గడిచిపోయింది. వారి పాత్రలకు మంచి పేరు వస్తుంది అని ధనుష్ అన్నారు.

21న మారి2 విడుదల

మారి-2 చిత్రం తమిళ, తెలుగు భాషల్లో డిసెంబర్ 21న రిలీజ్ అవుతున్నది. ఇప్పటికే ఆడియో భారీ విజయాన్ని అందుకొన్నది. మ్యూజిక్ డైరెక్టర్ యువన్ శంకర్ రాజాకు ఈ సినిమా సక్సెస్ అందించింది.