Don't Miss!
- News కాలేజ్ క్యాంపస్ లో పోలిటికల్ లీడర్ కూతురి హత్య, కన్న కూతుర్ని ఎవరు ఎలా చంపారో చెప్పిన లీడర్ !
- Finance Amazon News: అమెజాన్ సీక్రెట్ స్టోర్.. ప్రాజెక్ట్ క్యూరియాసిటీ వివరాలివే..
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడ్డినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
నేను లేకుంటే ఆ సినిమాలేదు, నేనే రియల్ హీరోను...
ముంబై: బాలీవుడ్ స్టార్ అభిషేక్ బచ్చన్, ఉదయ్ చోప్రా 'ధూమ్' చిత్రం వరుస సిరీస్లలో నటిస్తున్న సంగతి తెలిసిందే. తాజాగా మూడో సీరిస్ 'ధూమ్-3' కూడా తెరకెక్కింది. అయితే ఈ మూడు సిరీస్లలో ఎవరు మారినా...ఈ ఇద్దరూ మాత్రం జై దీక్షిత్, అలీ అక్భర్ పాత్రల్లో ఫిక్స్ అయిపోయారు.
తాజాగా 'ధూమ్-3' సినిమా ప్రమోషన్లలో పాల్గొన్న అభిషేక్ బచ్చన్ మాట్లాడుతూ...ఇది నా సినిమా, ఈ సినిమాకు నేనే హీరో.... నేను, ఉదయ్ చెప్రా లేకుంటే ఈ సినిమా లేదు. ఇందులోకి ఎవరూ వచ్చినా నా నుంచి తప్పించుకోలేరు, మేమే రియల్ హీరోలం అని వ్యాఖ్యానించారు. అభిషేక్ బచ్చన్ వ్యాఖ్యల వెనక పెద్ద అర్థమే ఉంది.
ధూమ్ సిరీస్ సినిమాల్లో ప్రధాన పాత్రదారులంతా విలన్లే. దొంగతనాలు, రాబరీలు చేస్తుంటారు. వీరి ఆకట్టించే పనిలో ఉంటారు సూపర్ పోలీస్ ఆఫీసర్లు జై దీక్షిత్, అక్బర్ అలీ. ధూమ్ చిత్రం మొదటి భాగంలో జాన్ అబ్రహం నటించగా....దానికి సీక్వెల్ గా వచ్చి ధూమ్-2 చిత్రంలో హృతి రోషన్ ప్రేక్షకులను మెప్పించాడు. ఇప్పుడు అమీర్ ఖాన్ 'ధూమ్-3' చిత్రం ద్వారా ప్రేక్షకుల ముందుకు రాబోతున్నాడు. ఆదిత్య చోప్రా నిర్మిస్తున్న ఈచిత్రానికి విజయ్ కృష్ణ ఆచార్య దర్శకత్వం వహిస్తున్నారు.
అమీర్ ఖాన్, కత్రినా కైఫ్లపై చిత్రీకరించిన ఓ పాటకు ఏకంగా రూ. 5 కోట్లు ఖర్చు పెట్టారు. ఇండియన్ సినిమా చరిత్రలో ఓ పాటకు ఇంత ఖర్చు పెట్టడం ఇదే తొలిసారి. కత్రినా, అమీర్లపై చిత్రీకరించిన ఈ పాటలో 200 మంది జిమ్నాస్టిక్ కళాకారులను అమెరికా నుంచి తీసుకొచ్చారట. కళ్లు చెదిరేలా వేసిన సెట్లో 20 రోజుల పాటు ఈ పాట చిత్రీకరించారని, సినిమాకు ఈ పాట హైలెట్ అవుతుందని అంటున్నారు.
ధూమ్, ధూమ్-2 చిత్రాలు భారీ విజయం సాధించి నేపథ్యంలో దానికి సీక్వెల్గా రూపొందుతున్న 'ధూమ్-3' చిత్రంపై మొదటి నుండీ భారీ అంచనాలే ఉన్నాయి. పైగా అమీర్ ఖాన్ లాంటి స్టార్ హీరో ఈచిత్రంలో నటిస్తుండటం కూడా మరో కారణం. భారీ యాక్షన్ సన్నివేశాలు, కళ్లు చెదిరే సాహసాలు ఈచిత్రంలో ప్రేక్షకులను మంత్రముగ్ధులను చేయనున్నాయి. అత్యంత భారీ బడ్జెట్తో తెరకెక్కుతున్న ఈచిత్రం డిసెంబర్ 20న విడుదలకు సిద్ధం అవుతోంది.