హైదరాబాద్‌లో ‘ధూమ్-3’ టీం సందడి (ఫోటోలు)

మిస్టర్ పర్‌ఫెక్ట్

మిస్టర్ పర్ ఫెక్టుగా పేరు తెచ్చుకున్న అమీర్ ఖాన్ ఈ సినిమా కోసం చాలా కష్టపడ్డాడు. ఈ సినిమాలో కొత్త స్టెప్స్‌ వేసిన అమీర్‌ పాట 'ధూమ్‌ ట్యాప్‌' ఇప్పటికే యూట్యూబులో విడుదలై మంచి రెస్పాన్స్ సొంతం చేసుకుంది. క్లాసిక్‌ ట్యాప్‌ నృత్యం కంటే క్లిష్టమైన ఈ ట్యాప్‌ నృత్యం రీతిని నేర్చుకోవటానికి ఆయన ఆస్ట్రేలియా వెళ్లివచ్చారు.

ఆస్ట్రేలియాలో శిక్షణ

ఈ రెండు నిముషాల పాట కోసం ఆయన ఆస్ట్రేలియాకి చెందిన ప్రొఫెషనల్‌ ట్యాప్‌ నృత్యకారుడు డీన్‌ పెర్రీ వద్ద 50 రోజులు శిక్షణ తీసుకున్నారు. ఎంతో ఉత్సాహం చూపించాల్సిన ఈ పాటలో ఆయన వైవిధ్యమైన బౌలర్‌ టోపీ, చేతులు లేని జాకెట్‌ ధరించి ప్యాంటు జేబులో చేతులు పెట్టుకొని ట్యాప్‌ స్టెప్పులు వేశారు.

తెలుగులో కూడా...

విజయ్‌కృష్ణ ఆచార్య దర్శకత్వంలో యశ్‌రాజ్ ఫిలిమ్స్ పతాకంపై ఆదిత్య చోప్రా నిర్మించిన ఈ సినిమా ఆంధ్ర, సీడెడ్ హక్కుల్ని 'ఈగ' నిర్మాత, వారాహి చలనచిత్రం అధినేత కొర్రపాటి సాయి దక్కించుకున్నారు. నైజాంలో యశ్‌రాజ్ ఫిలిమ్స్ సొంతంగా ఈ చిత్రాన్ని విడుదల చేయనున్నట్లు తెలుస్తోంది.

రికార్డులు బద్దలు కొడుతుందా?

సినిమాలో కత్రినా చేసే సాహసాలు ఆకట్టుకునే విధంగా ఉండనున్నాయి. ధూమ్ 2లో జైదీక్షిత్, అలీ ఖాన్ పాత్రల్లో నటించిన ఉదయ్ చోప్రా, అభిషేక్ బచ్చన్...ధూమ్-3 చిత్రంలో కూడా దాదాపు అలాంటి పాత్రల్లోనే పోలీసు ఆఫీసర్లుగా కనిపించనున్నారు. ఈ సినిమా బాలీవుడ్ రికార్డులన్నీ బద్దలుకొడుతుందనే భారీ అంచనాలు ట్రేడ్ వర్గాల్లో నెలకొంది.