రాజమౌళి చేతుల మీదుగా కొత్త చిత్రం లాంచ్(ఫోటోలు)

స్విఛ్చాన్ చేస్తూ...

రాజమౌళి తన శిష్యుడు సినిమా ప్రారంభం కావటంతో చాలా ఉత్సాహంగా ఈ వేడుకలో పాల్గొని కెమెరా స్విఛ్చాన్ చేసారు.

కీరవాణి క్లాఫ్...

తమకు చాలా కాలంగా పరిచయమున్న కోటి దర్శకుడు కావటంతో కీరవాణి ఈ కార్యక్రమానికి హాజరయ్యి క్లాప్ కొట్టి శుభాకాంక్షలు తెలియచేసారు.

హీరోగా మూడో సారి

అజయ్ ఆ ఒక్కడే చిత్రంతో హీరోగా పరిచయమయ్యారు. అయితే ఆ చిత్రం భాక్సాఫీస్ వద్ద విజయం సాధించలేదు. తర్వాత సారాయి వీర్రాజు చిత్రంతో మరోసారి హీరోగా పలకరిస్తే అదీ వర్కవుట్ కాలేదు. అయితే ఈ చిత్రం ఖచ్చితంగా ఘన విజయం సాధిస్తుందనే నమ్మకంతో ఉన్నారు.

రాజమౌళి అండతోనే...

రాజమౌళి మొదటి నుంచీ అజయ్ ని నటుడుగా ప్రోత్సహిస్తూ వస్తున్నారు. ఇప్పుడు ఈ చిత్రం ప్రారంభమవ్వటానికి కూడా రాజమౌళి అండదండలే కారణమంటున్నారు.

హీరోయిన్స్...

ఈ చిత్రంలో అజయ్ పాత్ర చాలా డిఫెరెంట్ గా ఉంటుందని చెప్తున్నారు. అతను సరసన ముగ్గురు హీరోయిన్స్ చేస్తున్నారు.

కుటుంబం

రాజమౌళి కుటుంబ సభ్యుడు లాంటి కోటి దర్శకుడు కావటంతో, రాజమౌళి కుటుంబం, కీరవాణి కుటుంబం కూడా ఈ వేడుకకు హాజరయ్యాయి

నిర్మాత..

ఈగ చిత్రంతో సక్సెస్ ఫుల్ నిర్మాతగా, అందాల రాక్షసి చిత్రంతో ఉత్తమాభిరుచిగల నిర్మాతగా విశేషమైన గుర్తింపు తెచ్చుకున్న సాయి కొర్రపాటి ఈ చిత్రం నిర్మాత కావటంతో ప్రాజెక్టుపై అప్పుడే అంచనాలు మొదలయ్యాయి.

లెజండ్ సక్సెస్ తో....

ఇదే బ్యానర్ నుంచి విడుదలైన బాలకృష్ణ లెజండ్ చిత్రం ఘన విజయం సాధించిన నేపధ్యంలో ఈ చిత్రం ప్రారంభించారు. ఈ చిత్రంలోనూ అన్ని కమర్షియల్ విలువలూ ఉన్నాయని చెప్తున్నారు.

నటీనటులు..

నాగినీడు, అలీ, విశాల్‌, రమేష్‌, హరితేజ, వేణు తదితరులు నటిస్తున్నారు. అజయ్‌, శౌర్య, ఇంద్రజ, సనాఖాన్‌ కీలక పాత్రలు పోషిస్తున్నారు.

ఎవరెవరు

మాటలు: రమేష్‌ - గోపి, కూర్పు: తమ్మిరాజు, ఛాయాగ్రహణం: బి.వి.అమరనాథ్‌రెడ్డి, ప్రొడక్షన్‌ డిజైనర్‌: రవీందర్‌, సంగీతం: కీరవాణి.