twitter
    For Quick Alerts
    ALLOW NOTIFICATIONS  
    For Daily Alerts

    కంటెంట్, కాస్టింగ్ రెండూ మైనస్‌లే: దిల్ రాజు

    By Srikanya
    |

    ''ఎమ్మెస్‌రాజుగారి తొలి సినిమా 'వాన' ఓ రీమేక్. దానికి కంటెంట్, కాస్టింగ్ రెండూ మైనస్‌లే. దాంతో పాటు కథనం కూడా నెమ్మది కావడంతో సినిమా ఫలితం అలా అయ్యింది. కానీ 'తూనీగ తూనీగ'సినిమాలో కంటెంట్, కాస్టింగ్ పెర్‌ఫెక్ట్‌గా కుదిరాయి అన్నారు ప్రముఖ నిర్మాత దిల్ రాజు. సుమంత్ అశ్విన్ హీరోగా ఎమ్మెస్‌రాజు దర్శకత్వంలో మాగంటి రామ్‌జీతో కలిసి దిల్ రాజు నిర్మించిన 'తూనీగ తూనీగ' చిత్రం ఈ నెల 20న విడుదల కానుంది.

    ఇంకా ఆయన చెబుతూ- "రెండు గంటల 20 నిమిషాల నిడివి ఉన్నా.. అప్పుడే అయిపోయిందా అనిపిస్తుందీ సినిమా. టెక్నీషియన్స్ కూడా అందరూ ఉద్దండులే. ప్రేక్షకులకు కనెక్ట్ అయ్యే ఎపిసోడ్స్ ఇందులో చాలా ఉంటాయి. హీరోహీరోయిన్ల నేపథ్యాలు కూడా కొత్తగా ఉంటాయి. అందుకే ఈ ఏడాదిలో ఇప్పటివరకు వచ్చిన ఎనిమిది హిట్ల తర్వాత వస్తున్న తొమ్మిదో హిట్ ఈ సినిమా అని మీడియా సాక్షిగా చెప్పేశాను. ఈ సినిమాపై నాకున్న నమ్మకం అలాంటిది'' అన్నారు దిల్ రాజు.

    "అలాగే మిస్టర్‌ పర్‌ఫెక్ట్‌ సినిమా పూర్తయిన తరవాత ఎందుకో ఆ సినిమాపై నాకే కొన్ని సందేహాలు వచ్చాయి. వెంటనే ఎమ్మెస్‌ రాజుకి చూపించాం. ఆయన కొన్ని సలహాలు ఇచ్చారు. దాంతో.. సినిమా బాగా వచ్చింది. 'తూనీగ తూనీగ'కూ అలాంటి సమస్యే ఎదురైంది. నాకు ఈ సినిమా చూపించినప్పుడు ఫస్టాఫ్ సూపర్ అనిపించింది. క్లైమాక్స్ గొప్పగా ఉంది. ఈ మధ్యలోనే కాస్త లోటు అనిపించింది. ఆ సంగతే చెబితే, మళ్లీ ఓ వారం షూటింగ్ చేసి చూపించారు. అల్టిమేట్ రిజల్ట్ వచ్చింది" అన్నారు.

    "అలాగే సుమంత్ అశ్విన్ అనుభవం ఉన్న హీరోలా చాలా ఈజ్‌తో చేశాడు. వెంకటేశ్, అల్లు అర్జున్ తర్వాత ఓ నిర్మాత కొడుకుగా సుమంత్ అశ్విన్ హీరోగా సెటిల్ అవుతాడు. నేను చెప్పింది నిజమని సినిమా విడుదలైన రోజు ప్రేక్షకులు ఏకీభవిస్తారు. ఇప్పటికే పాటలు సూపర్ హిట్టయ్యాయి. కొడుకును పరిచయం చేస్తున్నారు కాబట్టి ఎమ్మెస్ రాజు రెట్టింపు కష్టపడ్డారు. ఈ సినిమా విడుదలయ్యాక మా బేనర్‌లోనే అశ్విన్‌తో రెండో సినిమా చేస్తాం'' అని చెప్పారు అన్నారు. ఈ చిత్రానికి మాటలు: పరుచూరి బ్రదర్స్‌, కెమెరా: ఎస్‌.గోపాల్‌రెడ్డి, కథ, స్క్రీన్‌ప్లే,దర్శకత్వం: ఎం.ఎస్‌.రాజు.

    English summary
    M.S.Raju's directorial venture " Tuneega Tuneega" is gearing for release on 20th this month. In a media meet Dil Raju said that the film is a romantic entertainer which has M.S Raju's son Sumanth Ashwin and Rhea in the lead pair.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X