బ్రేకింగ్ : కొత్త జీవితాన్ని ప్రారంభిస్తున్నాను.. పెళ్లిపై దిల్ రాజు ప్రకటన.. ఎప్పుడు, ఎక్కడంటే..?

అనిత మృతి అనంతరం..

దిల్ రాజు భార్య అనిత 2018లో మృతి చెందిన సంగతి తెలిసిందే. భార్య మృతితో మానసికంగా దిల్ రాజు కుంగిపోయాడు. వ్యక్తిగత వ్యవహారాలను చూసుకోవడానికి ఓ తోడు కావాలని దిల్ రాజు రెండో పెళ్లికి సిద్దమయ్యాడు. అయితే వీటిపై గత కొన్ని రోజులుగా వచ్చిన రూమార్స్ నేడు నిజమయ్యాయి. దిల్ రాజు స్వయంగా ఓ ప్రెస్ నోట్ ద్వారా రెండో పెళ్లి విషయాన్ని ధృవీకరించాడు.

అధికారిక ప్రకటన..

రెండో పెళ్లి గురించి స్పందిస్తూ అధికారికంగా ఓ ప్రెస్ నోట్ రిలీజ్ చేశారు. అందులోని సారాంశం ఏంటంటే.. ‘ప్రపంచం ఎలాంటి పరిస్థితుల్లో ఉందో అందరికీ తెలిసిందే.. ఇలాంటి సమయంలో వృత్తిపరంగా అంత త్వరగా కోలుకోలేము. వ్యక్తిగతంగానూ నాకు గత కొన్ని రోజుల నుంచి మంచి కాలం రాలేదు.

కొత్త జీవితంలోకి..

అయితే అంతా త్వరలోనే సర్దుకుంటుందని, అందరికీ మంచి జరుగుతుందని ఆశిస్తున్నాను. అలాంటి ఆశతోనే మరొకొత్త జీవితాన్ని ప్రారంభించాలనుకుంటున్నాను. అందుకు ఈ సమయమే అనువైనదిగా భావించి.. నా వ్యక్తిగత జీవితాన్ని తిరిగి పున: ప్రారంభించాలని అనుకుంటున్నా'ని ప్రకటించాడు.

నిజామాబాద్ గుడిలో..

నిజామాబాద్‌లోని దిల్ రాజుకు సంబంధించిన గుడిలో ఆదవారం రాత్రి పెళ్లి చేసుకోబోతోన్నట్టు తెలుస్తోంది. అయితే ఈ పెళ్లికి ప్రభుత్వ నిబంధనల ప్రకారం అతి కొద్ది మందే హాజరవుతున్నట్టు సమాచారం. కుటుంబ సభ్యులు, అత్యంత సన్నిహితులు పది మంది వరకు విచ్చేస్తున్నట్టు తెలుస్తోంది.