హోమ్

న్యూస్

హైదరాబాద్ : కొత్త నటీనటులను ప్రోత్సహించటం కోసం స్టార్ హంట్ నిర్వహిస్తున్నామని మీడియాకు చెప్పటం, ఆ తర్వాత తాము అంతకు ముందే సెట్ చేసుకున్న వారిని హీరోని చేసి ప్రొసీడ్ అయిపోవటం షరా మూమూలు వ్యవహారమే. అయితే దిల్ రాజు లాంటి పెద్ద నిర్మాత ఇలాంటి వాటికి ఇన్నాళ్లూ దూరంగా ఉంటూ వచ్చారు. అయితే ఇప్పుడు ఆయన తమ తాజా చిత్రం కేరింత కోసం స్టార్ హంట్ నిర్వహించారు. ఇప్పుడు ఎమ్.ఎస్ రాజు కుమారుడు సుమంత్ అశ్విన్ ని హీరో గా తీసుకుంటున్నాడని ఫిల్మ్ నగర్ వర్గాల్లో వినపడుతోంది. దాంతో దిల్ రాజు కూడా సేమ్ అందరిలాంటి గేమ్ ఆడాడా అంటున్నారు. అయితే దీనిపై అపీషియల్ గా ఇంకా ప్రకటన రాలేదు.

'వినాయకుడు' తో తానేంటో ప్రూవ్ చేసుకున్న దర్శకుడు సాయి కిరణ్ అడవి కొత్త చిత్రం 'కేరింత'. శ్రీ వెంకటేశ్వర క్రియేషన్స్, మై డ్రీం సినిమా బ్యానర్ ఫై దిల్ రాజు, సాయి కిరణ్ అడవి సంయుక్తంగా ఈ చిత్రాన్ని నిర్మిస్తున్నారు. ప్రస్తుతం పోస్ట్ ప్రొడక్షన్ స్టేజీలో ఉన్న ఈ చిత్రం త్వరలో మొదలు కానుంది. ఈ చిత్రానికి సంగీత దర్శకుడిగా మిక్కి జే మేయర్ ను ఎంపిక అయ్యారు. ముగ్గురు అబ్బాయిలు, ఇద్దరమ్మాయిల నేపథ్యంలో సాగే ఈ చిత్రంలో కొత్తవాళ్లు నటిస్తారు. ఇందుకోసం స్టార్ హంట్ నిర్వహించారు.

దిల్‌రాజు మాట్లాడుతూ ''కుర్రకారు మనోభావాల్ని ఆవిష్కరించే కథ ఇది. సాయికిరణ్‌ చెప్పిన కథ నాకు బాగా నచ్చింది. రచయిత అబ్బూరి రవితో కలిసి ఆ కథని మరింత బాగా తీర్చిదిద్దాం. ఈ చిత్రంతో కొద్దిమంది సాంకేతిక నిపుణులను కూడా పరిచయం చేస్తున్నాం.''అని తెలిపారు.

సాయికిరణ్‌ అడవి మాట్లాడుతూ... ''ఈ కథపై ఎప్పట్నుంచో కసరత్తులు సాగుతున్నాయి. అబ్బూరి రవి మాతో కలవగానే కథ కొత్తరూపం సంతరించుకొంది'' అన్నారు. ఏప్రిల్‌ నుంచి షూటింగ్ ప్రారంభిస్తారు. ఎడిటర్ గా మధు, సినిమాటోగ్రాఫర్ గా విశ్వ, కొరియోగ్రాఫర్ గా విజయ్ ని ఈ మూవీతో పరిచయం చేస్తున్నారు.

''ఇదివరకు మా సంస్థలో చిన్న సినిమాల్ని తెరకెక్కించాం. కొంతకాలంగా స్టార్‌ హీరోల చిత్రాలకే పరిమితమయ్యాం. ఐదేళ్ల తర్వాత మళ్లీ 'కేరింత' పేరుతో ఓ చిన్న చిత్రాన్ని మొదలుపెడుతున్నాం'' అన్నారు దిల్‌రాజు. ఈ చిత్రానికి సంగీతం: మిక్కీ జె.మేయర్‌, ఛాయాగ్రహణం: విశ్వ, కూర్పు: మధు, పాటలు: సిరివెన్నెల సీతారామశాస్త్రి, సహనిర్మాతలు: శిరీష్‌-లక్ష్మణ్‌.