ఎన్టీఆర్ తో దిల్ రాజు భారీ సినిమా

జూనియర్ ఎన్టీఆర్ తో దిల్ రాజు సినిమా అంటే ఏ స్ధాయిలో ఉంటుందో ఊహించగలరా? దిల్ రాజు ప్రస్తుతం దశరథ్, ప్రభాస్ ల కాంబినేషన్ లో సినిమా నిర్మిస్తున్నారు. "మరో చరిత్ర", "జోష్" సినిమాల నిర్మాణంలో ఆయన బిజీగా ఉన్నారు.

ప్రస్తుతం జూనియర్ ఎన్టీఆర్ వివి వినాయక్ సినిమాలో తలమునకలై ఉన్నారు. ఆ తర్వాత దిల్ రాజు సినిమాకు ఆయన ఒప్పుకునే అవకాశముంది. వంశీ పైడిపల్లితో "బృందావనం" టైటిల్ తో జూనియర్ ఎన్టీఆర్ ను రంగంలోకి దింపాలని దిల్ రాజు వ్యూహం. అన్నీ ఫలిస్తే ఒక పెద్ద హిట్ తెలుగులో వచ్చినట్టే.