చిరంజీవి, జూనియర్ ఎన్టీఆర్ టార్గెట్.. సక్సెస్‌ఫుల్ డైరెక్టర్ ఓపెన్ కామెంట్స్

ఎంటర్‌టైన్ చేయడంలో 'సరిలేరు నీకెవ్వరు'

‘ఎఫ్2'లో వెంకటేష్, వరుణ్ తేజ్‌లతో అనిల్ రావిపూడి ఏ రేంజ్‌లో నవ్వులు పూయించాడో తెలిసిందే. అదే కంటిన్యూ చేస్తూ మహేష్ బాబు తోనూ కామెడీ పండించి ఎంటర్‌టైన్ చేయడంలో 'సరిలేరు నీకెవ్వరు' అనిపించుకున్నాడు. ఈ సినిమా సక్సెస్‌ జోష్ ఎంజాయ్ చేస్తున్న అనిల్ రావిపూడి.. ‘ఎఫ్ 3' సీక్వెల్‌ తీయబోతున్నట్టు ఇటీవలే ప్రకటించాడు.

ఎన్టీఆర్ ఆర్ట్స్‌‌పై ఎన్టీఆర్ హీరోగా..

రొటీన్ కథలను కమర్షియలైజ్ చేసి, కామెడీ పండిస్తూ తెరకెక్కించగల సమర్థుడను అని నిరూపించుకున్నాడు అనిల్ రావిపూడి. అయితే తాజాగా ఓ ఇంటర్వ్యూలో మాట్లాడిన ఆయన.. త్వరలోనే తనకు దర్శకుడిగా లైఫ్ ఇచ్చిన కళ్యాణ్ రామ్ సొంత నిర్మాణ సంస్థ ఎన్టీఆర్ ఆర్ట్స్‌లో చేస్తానంటున్నాడు. అంతేకాదు ఈ సినిమాను ఎన్టీఆర్ హీరోగా రూపొందించాలని అనుకుంటున్నట్లుగా చెప్పాడు.

అనిల్‌పై మెగాస్టార్ ఒపీనిమన్..

ఇకపోతే మెగాస్టార్ చిరంజీవితో కూడా సినిమా చేయాలనుకున్న తన కోరికను బయటపెట్టేశాడు అనిల్. చిరంజీవి గానీ కథ సిద్ధం చేయమంటే కేవలం 3 నెలల్లోనే స్క్రిప్ట్ రెడీ చేసి ఆయన ముందు పెట్టేస్తా ని అంటున్నాడు. పైగా ఇప్పటికే చిరు కూడా అనిల్ టేకింగ్‌కు ఫిదా అయిపోయాడు. గతంలో సరిలేరు నీకెవ్వరు ప్రీ రిలీజ్ వేడుకలో అనిల్ లాంటి దర్శకుడు ఇండస్ట్రీకి చాలా అవసరం అని చిరంజీవి చెప్పాడు కూడా.

అన్నీ అనుకున్నట్లే జరిగితే..

అనిల్ రావిపూడి సరైన కథ తీసుకొస్తే మెగా కంపౌండ్‌లోకి అడుగు పెట్టే అవకాశాలు పుష్కలంగా ఉన్నాయి. ఇటు ఎన్టీఆర్ కూడా అనిల్ కాదని అనకపోవచ్చు. దీన్నిబట్టి చూస్తే అనిల్ రావిపూడి కోరిక నెరవేరడానికి ఎంతో సమయం అవసరం లేదనిపిస్తోంది. చూద్దాం.. ఏం జరుగుతుందో!.