అపరిచితుడు లాంటి సినిమా.. ప్రభుత్వాన్ని ప్రశ్నిస్తాం.. భరత్

ఠాగూర్ లాంటి సినిమా

ఈ సినిమా ప్రారంభోత్సవం సందర్బంగా దర్శకుడు భరత్ మాట్లాడుతూ ఈ సినిమా కధ చాలా బాగుంటుంది. కొంచెం గ్యాప్ తర్వాత నేను చేస్తున్న సినిమా ఇది. భారతీయుడు, అపరిచితుడు, ఠాగూర్ లాంటి సినిమా మాదిరిగా కమర్షియల్‌గానే ఉంటూ మంచి సందేశం కూడా ఇస్తుంది.

ప్రభుత్వాల పనితీరును ప్రశ్నిస్తాం..

ఈ సినిమాలో చదువు, వైద్యం అంశాలు సమాజంలో కీలకమైనవి. కానీ సగటు మనిషికి అందుబాటులో లేవు. అందుకే ఈ సినిమా ద్వారా ప్రభుత్వాన్ని ప్రశ్నించబోతున్నాం.

ప్రభుత్వానికి వ్యతిరేకం కాదు

మేము ఏ ప్రభుత్వానికి వ్యతిరేకం కాదు. అయితే ప్రభుత్వం చేయ్యాల్సిన పనులను గుర్తు చేయడం మా బాధ్యతగా భావిస్తున్నాం. అందుకే ఈ కథను సమాజానికి ఉపయోగపడేలా రూపొందించాం.

సెన్షేషనల్ డైరెక్టర్ శంకర్ రేంజ్‌లో

ఈ చిత్రాన్ని సెన్షేషనల్ డైరెక్టర్ శంకర్ రేంజ్ సినిమాగా తెరకెక్కిస్తాం. అంతే కాదు ఈ సినిమాలో ఇంకో ప్రత్యకమైన రోల్ వుంది. ఆ పాత్రలో ప్రముఖ నటుడు నటిస్తారు. ఆయన నటించడం ద్వారా సినిమాప నాకు ఉన్న నమ్మకం మరింత పెరిగింది అని భరత్ అన్నారు.

తెర ముందు, తెర వెనుక

నటీనటులు: అఖిల్ కార్తీక్, ప్రియాంక శర్మ, తనికెళ్ళ భరణి, పోసాని, సాయిచంద్, ఎల్ బి.శ్రీరామ్, సన, ప్రగతి, జయప్రకాశ్ రెడ్డి, సురేఖవాణి, ఝాన్సీ తదితరులు. సాంకేతిక వర్గం: కథ డా శ్రీధర్ రాజు, మాటలు.ఎర్రంశెట్టి సాయి, సంగీతం: లలిత సురేష్, కెమెరా: ముజీర్ మాలిక్, ఎడిటర్ మేనగ శ్రీను.