దర్శకుడు మారాడు...

By Staff

Published: Monday, March 9, 2026, 19:17 [IST]

సినీ పరిశ్రమలో ఏ టైముకు ఏదైనా జరగొచ్చు. నిన్నటి దాకా అనుకున్న వారు నచ్చక మారవచ్చు. వద్దనుకున్న వాళ్ళే దగ్గరఅవవచ్చు. తాజాగా దీన్ని ప్రూవ్ చేస్తూ..లార్‌స్కో ఎంటర్‌టైన్‌మెంట్ అధినేత లగడిపాటి శ్రీధర్ నిర్ణయం తీసుకున్నారు. ఆయన ప్రారంభంలో వరసగా కామిడీలు తీస్తూ దూసుకుపోతున్న శ్రీనివాస రెడ్డి తో సినిమా తీయనలని సన్నాహాలు చేసారు. అలాగే హీరో హీరోయిన్లుగా శ్రీకాంత్, మీరా జాస్మిన్‌లను ఎంపిక చేసుకున్నాడు.

కానీ ఆ తర్వాత లగడపాటితో వచ్చిన విభేదాల కారణంగా శ్రీనివాసరెడ్డి ఆ ప్రాజెక్టును వదులుకున్నాడు. శ్రీకాంత్ సైతం అతణ్ణి అనుసరించాడు. దాంతో లగడపాటి ఖంగుతిన్నారు. పరిశ్రమలోకి ఈ విషయం శరవేగంగా ప్రచారంలోకి రావడంతో వెంటనే నాగేశ్వరరెడ్డితో సినిమా చేయడానికి నిర్ణయించాడు. అతను ఇటీవలే నరేష్ హీరోగా 'సీమశాస్త్రి' సినిమాను డైరెక్ట్ చేశాడు. తాజా సినిమాను కూడా కామెడీ ప్రధానంగా అతను రూపొందించనున్నాడు. ఇందులో నటించే తారాగణం ఎంపిక త్వరలో జరుగనున్నది.

More from Filmibeat