గీతా ఆర్ట్స్‌ బేనర్లో మారుతి చిత్రం

News

oi-Santhosh

By Bojja Kumar

| Published: Thursday, November 15, 2012, 11:08 [IST]

హైదరాబాద్ : మగధీర చిత్రంతో ఇండస్ట్రీ రికార్డులు నెలకొల్పిన మెగా ప్రొడ్యూసర్ అల్లు అరవింద్ నిర్మాణ సారథ్యంలో రూపొందించబోయే చిత్రానికి డైరెక్టర్ మారుతి దర్శకత్వం వహించనున్నాడు. ప్రముఖ నిర్మాణ సంస్థ గీతా ఆర్ట్స్ ఈ చిత్రాన్ని నిర్మిస్తోంది. ఈ రోజుల్లో, బస్ స్టాప్ వంటి సూపర్ హిట్ చిత్రాలతో మారుతి క్రేజీ డైరెక్టర్ గా మారారు. గీతా ఆర్ట్స్ నిర్మించే ఈ చిత్రంలో ఓ అగ్రకథానాయకుడు హీరోగా నటిస్తున్నాడు. ఈ చిత్రంలో నటించే నటీనటులు, సాంకేతిక నిపుణులు, ప్రారంభోత్సవ వివరాలు మరికొద్ది రోజుల్లోనే తెలుస్తాయి.

మారుతి దర్శకత్వంలో వచ్చిన బస్టాఫ్ సినిమా వివరాల్లోకి వెళితే...ఈ చిత్రం ఇటీవల విడుదలై మంచి టాక్ తెచ్చుకుంది. సినిమాలో కాస్త బూతు ఎక్కువగానే ఉన్నప్పటికీ ఈ తరం యువత చెడుదారులు పడతున్న వైనాన్ని, తల్లిదండ్రుల తీరును తనదైన రీతిలో చూపించాడు దర్శకుడు మారుతి.

లక్ష్మీనరసింహ ప్రొడక్షన్స్ పతాకంపై మల్టీ డైమెన్షన్ ఎంటర్‌టైన్‌మెంట్ సమర్పణలో బెల్లంకొండ సురేష్, బెల్లంకొండ గణేష్‌బాబు 'బస్ స్టాప్' చిత్రాన్ని నిర్మించారు. యువతకు సందేశమిచ్చే ఈ చిత్రం తల్లిదండ్రుల పక్షపాతిగా దర్శకుడు తెరకెక్కించారని చెప్పొచ్చు.

బస్ స్టాఫ్ చిత్రం కొన్ని వివాదాలకు కూడా దారితీసింది. దేనికైనారెడీ, ఎ ఉమెన్ ఇన్ బ్రాహ్మణిజం సినిమాల గొడవ సద్దుమణగకముందే " బస్ స్టాప్" సినిమా వివాదంలో చిక్కుకుంది. ఆదివారం విడుదలైన " బస్ స్టాప్" సినిమాలో విపరీతమైన ద్వంద్వార్థాలు ఉన్నాయని, ఈ సినిమా విద్యార్థులు, యువతను పక్కదారి పట్టించేలా ఉందంటూ ఎస్‌ఎఫ్‌ఐ, డీవైఎఫ్‌ఐ సంఘాలు ఆందోళనకు దిగాయి.