హోమ్

న్యూస్

టాలీవుడ్ లో సక్సెస్ ఫెయిల్యూర్స్ తో సంబంధం లేకుండా సినిమాలు చేసే హీరోల్లో రవితేజ ఒకరు. ముఖ్యంగా అపజయాలు ఎన్ని వచ్చినా కూడా ఈ హీరో ఏ మాత్రం పెద్దగా గ్యాప్ ఇవ్వడు. గత సినిమాలు బాక్సాఫీస్ వద్ద తీవ్రంగా నిరాశపరిచినప్పటికి మళ్ళీ కమర్షియల్ సినిమాలతోనే స్ట్రాంగ్ గా రెడీ అవుతున్నాడు. క్రాక్ సినిమా త్వరలో ప్రేక్షకుల ముందుకు రాబోతున్న విషయం తెలిసిందే.

గోపీచంద్ మలినేని దర్శకత్వంలో తెరకెక్కిన ఆ సినిమాపై మాస్ రాజా చాలా కాన్ఫిడెంట్ గా ఉన్నాడు. రవితేజ క్రాక్ సినిమాపై ఎంత నమ్మకంగా ఉన్నాడు అంటే అవసరం అయితే తన రెమ్యునరేషన్ విషయంలో కూడా ఏ మాత్రం వెనక్కి తగ్గేది లేదని అంటున్నాడు. అసలు మ్యాటర్ లోకి వస్తే మారుతి దర్శకత్వంలో ఒక సినిమా చేయడానికి చర్చలు జరుపుతున్నట్లు తెలుస్తోంది. సినిమాను నిర్మించడానికి యూవీ క్రియేషన్స్ కూడా గ్రీన్ సిగ్నల్ ఇచ్చినట్లు టాక్ వస్తోంది. కానీ ఇంకా అఫీషియల్ ఎనౌన్స్మెంట్ అయితే రాలేదు.

అందుకు కారణం రెమ్యునరేషన్ విషయంలో హీరో నిర్మాతకు మధ్య ఒక ఛాలెంజ్ క్రియేట్ అయినట్లు టాక్ వస్తోంది. రెమ్యునరేషన్ రవితేజ అడిగినంత ఇవ్వలేమని గత సినిమాల రిజల్ట్ ని బట్టి ఒక రేటు చెప్పారట నిర్మాతలు.

అందుకు రవితేజ క్రాక్ వచ్చే వరకు వెయిట్ చేయమని చాలెంజ్ చేసినట్లు తెలుస్తోంది. క్రాక్ తప్పకుండా హిట్ అవుతుందని అప్పుడు సెటిల్మెంట్ చేసుకుందామని డీలింగ్ మాట్లాడుకున్నారట. నిర్మాతలు కూడా అందుకు ఒప్పుకున్నట్లు తెలుస్తోంది. మరి క్రాక్ సినిమా రవితేజ నమ్మకాన్ని ఎంతవరకు నిలబెడుతుందో చూడాలి.