విష్ణుని పట్టేసాడు

By Staff

| Published: Thursday, April 16, 2009, 19:50 [IST]

మెహర్ రమేష్ మామూలోడు కాదు..బిల్లా ప్లాప్ టాక్ తెచ్చుకున్నా అప్పుడే మరో భారీ సినిమా పట్టేసాడంటున్నారు. అది మంచు విష్ణు వర్దన్ తో అని ఫిల్మ్ నగర్ టాక్. ఇప్పటికే వై.వి.యస్ చౌదరి తో సలిం చిత్రాన్ని చేస్తున్న విష్ణు కొత్తగా ఈ చిత్రాన్ని కమిట్ అయ్యారని అంటున్నారు. అందులోనూ విష్ణు పెళ్ళయిన దగ్గరనుండి కెరీర్ పై పూర్తి స్ధాయి శ్రద్ద పెట్టడానికి నిర్ణయించుకున్నానని సన్నిహితులుతో చెప్తున్నారు.

ఇది తెలుసుకున్న మెహర్ వెంటనే రంగంలోకి దూకి ఓ కథను వినిపించాడు. అంతేగాక స్క్రీన్ ప్లే ప్రధానమైన కథ అని, స్టైలిష్ గా చూపుతానని మాట ఇచ్చాడని తెలుస్తోంది. ఢీ అనంతరం చెప్పుకోతగ్గ సినిమా లేని విష్ణు టేకింగ్ సరే నని సీన్స్ తో తన తండ్రికి వినిపించి ఓ కె చేసుకోమని గ్రీన్ సిగ్నల్ ఇచ్చారుట. ఇక ఇది ఓ కే అయితే లక్ష్మీ ప్రసన్న బ్యానర్ పై అతని సోదరి నిర్మాణ భాద్యతలు వహిస్తుందని సమాచారం. ఇక ఆ కధ ఓ కన్నడ సూపర్ హిట్ ని పోలి ఉందని అంటున్నారు. మెహర్ కి గతంలో ఆంధ్రావాలా, ఒక్కడు చిత్రాలు కన్నడ లో రీమేక్ చేసిన అనుభవం ఉంది.