చిరు తమ్ముడు అయినా ఆయనకు అది లేదు: ముత్యాల సుబ్బయ్య

చిరంజీవి తమ్ముడైన అది లేదు

ఇప్పటి హీరోలు ఇండస్ట్రీకి ఎంటరైన తర్వాత ఒక సినిమా చేయగానే వాళ్ల ప్రవర్తనలో, మాట తీరులో చాలా తేడా కనిపిస్తోంది. కానీ ఆ రోజుల్లో చిరంజీవిగారి తమ్ముడు అయి ఉండి కూడా ఎలాంటి ఈగో లేకుండా అందరితో కలుపుగోలుగా పని చేసేవాడు పవన్ కళ్యాణ్ అని ముత్యాల సుబ్బయ్య తెలిపారు.

గ్యాపు దొరికితే అంతే

అప్పట్లోనే ఆయన గ్యాపు దొరికితే ఏదైనా బుక్ చదువుకునే వాడు. ఆయనలో ఏదో తెలియని తపన ఉండేది. పది నిమిషాలు ఆయనతో మాట్లాడితే ఎంతో గొప్పగా అనిపించేది అని పవన్ కళ్యాన్ గురించి ముత్యాల సుబ్బయ్య తెలిపారు.

ఎక్కడికో ఎదిగిపోయాడు

పవన్ కళ్యాణ్ యాటిట్యూడ్ చూసి ఆయన కమర్షియల్ హీరోగా ఎంత వరకు వస్తాడో అని అనుకునే వాడిని. అలాంటి ఆయన ఇపుడు ఎక్కడికో ఎదిగిపోయాడు. కేవలం ఆయన వల్లనే సినిమాలు ఆడేంత స్థాయికి వెళ్లాడు అని ముత్యాల సుబ్బయ్య చెప్పుకొచ్చారు.

అల్లాడిపోయేవాడు: పవన్ కళ్యాణ్ గురించి తమ్ముడు డైరెక్టర్ చెప్పిన షాకింగ్ విషయాలు!