అనసూయ స్పీచ్, సుధీర్​ ఫ్యాన్స్​ రచ్చ.. పిచ్చి పిచ్చిగా ఉందా? అంటూ దర్శకేంద్రుడు ఫైర్​

ఆ సినిమాల మాదిరిగానే..

దర్శకేంద్రుడు రాఘవేంద్ర రావు మాట్లాడుతూ.. ''మా వాంటెడ్​ పండుగాడ్​ చిత్రం ఎంటర్​టైన్​మెంట్​ ప్రధానంగా సాగే సినిమా. ఆగస్టు నెలలో విడుదలైన బింబిసార, సీతారామం, కార్తికేయ 2 వంటి సినిమాలు సూపర్​ హిట్​ అయ్యాయి. ఈ సక్సెస్​తో సినిమాలకు పూర్వ వైభవం వచ్చింది. ఈ చిత్రాల మాదిరిగానే మా మూవీ కూడా విజయం సాధిస్తుంది'' అని ఆశాభావం వ్యక్తం చేశారు.

ఫ్యాన్స్​ రచ్చను భరించలేక..

అనంతరం యాంకర్​ అనసూయ భరద్వాజ్​ మాట్లాడుతుండగా, స్టేజ్​పైకి సుడిగాలి సుధీర్​ వచ్చాడు. అతన్ని చూడగానే సుధీర్​ అభిమానులు అరుపులు, కేకలతో గోల గోల చేశారు. ఈ రచ్చను భరించలేక రాఘవేంద్ర రావు ఆపే ప్రయత్నం చేశారు. స్వయంగా ఆయనే మైక్​ తీసుకుని సుధీర్​ ఫ్యాన్స్​ను వారంచేందుకు ప్రయత్నించారు. అందరు సైలెంట్​గా ఉండాలని కోరారు. అయితే దర్శకేంద్రుడు ఎంత చెప్పినా సుధీర్​ అభిమానులు వినిపించుకోలేదు.

బయటకు పంపించేస్తా అని వార్నింగ్​..

అదంతా చూసిన రాఘవేంద్ర రావు కొద్దిగా అసహనానికి లోనయ్యారు. అప్పటిదాకా ఓపిక పట్టిన ఆయన సుధీర్​ సహా అందరూ మాట్లాడతారని, కాస్త ఓపికతో ఉండాలని చెప్పారు. అయినా వినిపించుకోకుండా రెచ్చిపోయారు సుధీర్​ ఫ్యాన్స్​. దీంతో రాఘవేంద్ర రావుకు చిర్రెత్తుకొచ్చి 'ఏం పిచ్చి పిచ్చిగా ఉందా? చిన్నా పెద్దా తేడా లేదా? ఎవరు పిలిచారు వాళ్లని? ఇలాగే బిహేవ్​ చేస్తే బయటకు పంపించేస్తా' అంటూ ఫైర్​ అయ్యారు. ప్రస్తుతం దీనికి సంబంధించిన వీడియో సోషల్​ మీడియాలో వైరల్​ అవుతోంది. ఈ వీడియోపై నెటిజన్లు పలు విధాలుగా స్పందిస్తున్నారు.

నటుడిగా కూడా..

కాగా మొన్నటి వరకు దర్శకత్వంతో ఆకట్టుకున్న రాఘవేంద్ర రావు ప్రస్తుతం సినిమాలను సమర్పిస్తూ ప్రోత్సహిస్తున్నారు. అలాగే ఇటీవల తనలోని నటుడిని సైతం వెలికి తీసే ప్రయత్నం చేశారు. సీనియర్​ హీరో శ్రీకాంత్​ తనయుడు రోహాన్​ హీరోగా శ్రీలీల జంటగా నటించిన 'పెళ్లి సందD' చిత్రంలో ఓ పాత్రలో రాఘవేంద్ర రావు మెరిసిన సంగతి తెలిసిందే.