అర్జున్ రెడ్డి డైరెక్టర్ సందీప్ రెడ్డి వంగా ఇంట్లో విషాదం.. సినీ ప్రముఖుల పరామర్శ

మృతికి కారణం

సందీప్ రెడ్డి వంగా తల్లి సుజాత కొంతకాలంగా అనారోగ్యంతో బాధపడుతోందని ఆవిడ కుటుంబ సభ్యులు తెలిపారు. రెగ్యులర్‌గా చికిత్స పొందుతున్న ఈమె ఈ రోజు (గురువారం) తెల్లవారు జామున తుది శ్వాస విడిచారు.

వరంగల్ లోని సొంత ఇంట్లోనే

వరంగల్‌ నగరంలోని మరీ వెంకటయ్య కాలనీలో సందీప్ రెడ్డి వంగా సొంతిల్లు ఉంది. ఆ ఇంట్లోనే ఆయన తల్లి సుజాత మరణించడం జరిగింది. ఆమె మృతి పట్ల పలువురు సినీ ప్రముఖులు తమ సంతాపాన్ని వ్యక్తం చేస్తున్నారు. రేపు (శుక్రవారం) ఉదయం 10 గంటలకు ఆమె అంతిమ యాత్ర నిర్వహించనున్నారని తెలిసింది.

టాలీవుడ్‌లో అర్జున్ రెడ్డి సెన్సేషన్..

సందీప్ రెడ్డి వంగా దర్శకత్వం వహించిన 'అర్జున్ రెడ్డి' సినిమా టాలీవుడ్ లో సెన్సేషన్ క్రియేట్ చేసిన సంగతి తెలిసిందే. విజయ్ దేవరకొండ హీరోగా వచ్చిన ఈ సినిమా కలెక్షన్ల సునామీ సృష్టించి టాలీవుడ్ బడా దర్శకుల చూపును ఆకర్షించింది. సందీప్ దర్శకత్వ ప్రతిభను ఎంతో మంది సినీ పెద్దలు మెచ్చుకున్నారు.