Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అవన్నీ సినిమాలో ఇరికించాల్సిరావటం వల్లే..సింగీతం శ్రీనివాసరావు
వినోదం, సంగీతం, డ్రామా, పోరాటాలూ, మధ్యలో ఓ ప్రత్యేక గీతం...ఇవన్నీ ఒకే సినిమాలో ఇరికించేయాలి. లేదంటే సినిమా నడవదంతే.చిన్న పిల్లల కథలు కూడా పెద్ద వాళ్ల చుట్టూ తిరుగుతాయి. అయినా మన సినిమాల పద్ధతి వేరు...అంటూ ప్రముఖ దర్శకులు సింగీతం శ్రీనివాసరావు పిల్లల సినిమాలు ఎందుకు రావటం లేదనే విషయాన్ని విశ్లేషించారు. బాలల చలన చిత్రోత్సవం సందర్భంగా ఆయన గెస్ట్ గా అటెండయ్యారు. ఈ సందర్భంగా తనను కలిసిన మీడియాతో మాట్లాడుతూ.."సినిమా అనేది నూటికి నూరుపాళ్లు వ్యాపారమే. అందులో మనదైన కళ జోడిస్తామంతే. డబ్బులు రావు.. అనుకుంటే ఏ నిర్మాతా సినిమా తీయడానికి సాహసించడు. చిన్న పిల్లల సినిమాలకు అదరణ అభిస్తోంది.. తీయొచ్చు అనే ధీమా నిర్మాతలకు లేనప్పుడు అలాంటివి ఎలా వస్తాయి? అని ప్రశ్నించారు.
అలాగే చైనా, ఇరాన్ లాంటి దేశాల్లో చిన్న పిల్లల సినిమాలు చూడ్డానికి పెద్దవాళ్లు కూడా ధియేటర్ల ముందు క్యూ కడతారు. ఇక్కడ అలాంటి పరిస్థితి లేదు. ఏ వయసు వారి మనస్తత్వానికి ఏం నచ్చుతాయో మిగతా దేశాల వాళ్లు బాగా పసిగట్టారు. పది సంవత్సరాల లోపు పిల్లలు గంటల తరబడి ధియేటర్లో కూర్చోలేరు. 10 - 15 నిమిషాల తరవాత వాళ్ల ఏకాగ్రత సడలుతుంది. అందుకే చిన్న పిల్లల సినిమాల నిడివి తగ్గించాలి. రెండున్నర గంటలపాటు కథ నడపాలనే పద్ధతి వదిలేయాలి. బాలల వ్యక్తిత్వ వికాసానికి దోహదపడే కథలు తీయాలి. కార్పొరేట్ సంస్థలు చిన్న పిల్లల సినిమాలు తీసే బాధ్యత భుజాన వేసుకోవాలి. చిన్న పిల్లల సబ్బులు... బొమ్మలు ఆహార పదార్థాలు ఉత్పత్తులు చేసే సంస్థలు మన దేశంలో చాలానే ఉన్నాయి. ఒక్కో సంస్థ సంవత్సరానికి కనీసం రెండు సినిమాలు తీసినా చాలు. ఆ సంస్థ ప్రచారానికి కూడా ఆయా చిత్రాలు బాగా ఉపయోగపడతాయి అంటూ సూచనలు చేసారు. ఆయన చిత్రాలు ఆదిత్యా 369, భైరవద్వీపం, ఘటోత్కచ, విచిత్ర సోదరులు వంటివి పిల్లలు కూడా ఎగబడి చూసారు.