సమంతతో లిప్ లాక్ - లైఫ్ లాంగ్ తనతో అలానే..'

దర్శకుడు సుకుమార్ గురించి ప్రత్యేకంగా చెప్పనక్కర్లేదు. జీనియస్ డైరెక్టర్​గా గుర్తింపు తెచ్చుకున్న ఈయన తన కెరీర్​లో స్క్రీన్​ ప్లే రైటర్​గా, దర్శకుడిగా, నిర్మాతగా రాణించాడు. ఆర్య, ఆర్య 2 , 100 % లవ్​, నెంబర్ 1 నేనుఒక్కడినే, నాన్నకు ప్రేమతో రంగస్థలం వంటి సూపర్ హిట్ చిత్రాలతో తన కెరీర్​ గ్రాఫ్​ను పెంచుకున్నాడు. ఇక పుష్పతో ఇండియా వైడ్​గా క్రేజ్ సంపాదించుకున్నాడు. ఈ జర్నీలో ఆయన చాలా మంది హీరోయిన్స్​తో పని చేశారు. అయితే ఆయన హీరోయిన్ సమంతపై ప్రశంసలు కురిపించాడు. కొన్ని వైరల్ కామెంట్స్ చేశారు. ఏంటంటే?

దర్శకుడు సుకుమార్​ పుష్ప ముందు వరకు ఎన్ని సినిమాలు చేసినా వాటిల్లో ఎవర్​గ్రీన్ అనగానే టక్కున గుర్తొచ్చేది రంగస్థలం. ఆడియెన్స్​ ఈ సినిమాకు హార్ట్​ఫుల్​గా కనెక్ట్ అయిపోయారు. ఎమోషన్స్, హీరోహీరోయిన్​తో పాటు ఇతర యాక్టర్ల నటన సినిమాకు ప్రాణం పోసింది. టాలీవుడ్ రికార్డులను తిరగరాసిందనే చెప్పాలి. ముఖ్యంగా రామ్​చరణ్​, సమంత లుక్స్​, నటనకు ప్రేక్షకులు ఫిదా అయిపోయారు. చెవిటివాడిగా చిట్టిబాబు చరణ్​, పల్లెటూరి గుడుసు పిల్లగా రామలక్ష్మి సమంత.. ఇద్దరికి ఈ సినిమా మంచి పేరు తెచ్చిపెట్టింది. నటులుగా మరో స్థాయికి ఎదిగారు.

అయితే ఈ చిత్రంలో మొదట సమంతను వద్దనుకున్నారట దర్శకుడు సుకుమార్‌. అయితే తాను ఎందుకు వద్దనుకున్నారో అప్పట్లో ఓ ఇంటర్వ్యూలో చెప్పారు. అలాగే ఆ చిత్రానికి సంబంధించిన పలు ఆసక్తికర విషయాలను కూడా తెలిపారు. షూటింగ్ సమయంలో సమంత నటన చూసి తాను ఆశ్చర్యపోయినట్లు గుర్తుచేసుకున్నారు.

రంగస్థలంలో రామ్ చరణ్​ అద్భుతంగా నటించారు. ఆ పాత్రలో ఆయన్ను తప్ప ఇంకొకరిని అస్సలు ఊహించుకోలేము. ఈ విషయం చరణ్​తోనూ చాలా సార్లు చెప్పాను. అయితే మొదటగా ఈ సినిమాలో సమంతను హీరోయిన్​గా తీసుకోవాలని అనుకోలేదు. కొత్త అమ్మాయి అయితే ఓకే అనుకున్నాను. ఎందుకంటే హీరో, హీరోయిన్ ఇద్దరూ బడా స్టార్స్ అయితే నేను మేనేజ్‌ చేయలేనేమో అనుకున్నా. అందుకే రామ్‌ చరణ్ ఒక్కరు చాలు అనుకున్నా. కానీ ఆ తర్వాత సమంత అయితే పల్లెటూరి అమ్మాయి పాత్రకు సరిపోతుందని భావించా సెలెక్ట్ చేశాను. షూటింగ్‌ సమయంలో ఆమె నటన చూసి ఆశ్చర్యపోయాను.

నేను సినిమాలు తీసినంతకాలం సమంతను ఎంచుకుంటూనే ఉంటాను. 30, 40 ఏ వయసు వచ్చినా ఆ వయసకు సరిపోయే పాత్ర ఇస్తా. సమంతతో లిప్‌లాక్ సీన్ కూడా కథకు అవసరం అనే పెట్టాను. అందరూ సినిమాను కళాత్మక దృష్టితోనే చూడాలి. ఇంకో కోణంలో చూడటం సరికాదు. ఒక అమ్మాయి, అబ్బాయి చేయి పట్టుకోవడం ఎంత ముఖ్యమో, ముద్దు పెట్టుకోవడం కూడా అంతే ముఖ్యం అని చెప్పారు. కాగా, ఈ రంగ స్థలం 2018 మార్చి 30న విడుదలై బాక్సాఫీస్ వద్ద అదిరపోయే వసూళ్లను సాధించింది.