Don't Miss!
- Finance HUL: రూ.24 డివిడెండ్ ప్రకటించిన హిందుస్థాన్ యూనిలీవర్..
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
వర్షంతో దర్శకుడు తేజ ‘హోరా హోరీ’
హైదరాబాద్: ఫిలిం మేకర్గా తేజ గురించి ప్రత్యేకించి చెప్పాల్సిన అవసరం లేదు. ప్రేమ కథలను ఈ విధంగా కూడా తీయవచ్చా అని యావత్ సినీ పరిశ్రమ ముక్కున వేలేసుకొనేలా చేసిన ఘనుడు. తాను ఎంచుకునే కథ, కథనాల్లో ఎప్పటికప్పుడు వైవిధ్యాన్ని చూపెడుతూ...ప్రేక్షకులకు కొత్త దనాన్ని అందించడంలో తేజ వైలి వేరు. ఆయన స్వీయ దర్శకత్వంలో తెరకెక్కనున్న తాజా చిత్రం 'హోరా హోరీ'.
తన చిత్రాల ద్వారా తెలుగు తెరకు యంగ్ టాలెంటును పరిచయం చేసే తేజ...'హోరా హోరీ' చిత్రంతో దిలీప్ అనే యువ ప్రతిభాశాలిని వెండితెరపై ఆవిష్కరించనున్నాడు. ఈ చిత్రానికి సంబంధించిన మిగతా నటీనటులు మరియు సాంకేతిక నిపుణుల వివరాలు త్వరలో వెల్లడి చేయనున్నారు.
ఈ చిత్రం గురించిన ముఖ్యమైన విశేషం ఏమిటంటే...కథానుగుణంగా సినిమా మొత్తం వర్షంలోనే ఉంటుంది. అయితే...ఆ వర్షపు సన్నివేశాలను సహజంగా చిత్రీకరించేందుకు ఈచిత్రాన్ని వానా కాలంలో ప్రారంభించనున్నారు. ఈ సారి వర్ష పాతం తక్కువగా ఉంటుందని వాతావరణ నిపుణులు చెబుతున్న నేపథ్యంలో తేజ 'హోరా హోరీ ' సినిమా ఈ వానాకాలం పూర్తవుతుందో? లేదో చూడాలి.
ఈ చిత్రం అనంతరం తేజ లోకనాయకుడు కమల్ హాసన్ హీరోగా ఓ చిత్రాన్ని తెరకెక్కించబోతున్నారు. ఈ చిత్రానికి తేజ నిర్మాతగానూ వ్యవహరిస్తారు. తెలుగు, తమిళం, హిందీ భాషల్లో ఏక కాలంలో రూపొందుతున్న ఈ చిత్రానికి సంబంధించిన మిగిలిన వివరాలు త్వరలో వెల్లడి కానున్నాయి. కమల్ హాసన్తో తేజ చిత్రం ఎప్పుడో మొదలవ్వాల్సినప్పటకీ...ఆయన 'దృశ్యం' తమిళ రీమేక్ మరియు 'ఉత్తమ విలన్' చిత్రాల షూటింగులో బిజీగా ఉండటం వల్ల తేజ చిత్రం కాస్త ఆలస్యమవుతోంది.