ఉదయ్ కిరణ్ బయోపిక్ విషయంలో క్లారిటీ ఇచ్చిన దర్శకుడు తేజ!

ఉదయ్ కిరణ్ బయోపిక్ అబద్దం, అంతా ఫేక్

ఉదయ్ కిరణ్ బయోపిక్ నేను తీస్తున్నట్లు వస్తున్న వార్తల్లో నిజం లేదు. ఇందంతా ఫేక్ న్యూస్ అని తేజ స్పష్టం చేశారు. ఈ రూమర్స్ ఎలా ప్రచారంలోకి వచ్చాయో తనకు తెలియదని, విన్న వెంటనే తానూ షాకయ్యాను అని.... ఓ ఆంగ్లపత్రికతో తేజ వ్యాఖ్యానించారు.

యాక్షన్ ఫిల్మ్ చేయబోతున్న తేజ

త్వరలో తాను యాక్షన్ సినిమా చేసేందుకు ప్లాన్ చేసుకుంటున్నానని, ప్రస్తుతం అందుకు సంబంధించిన స్క్రిప్టు పనుల్లో బిజీగా ఉన్నట్లు తేజ తెలిపారు. దీంతో పాటు రానాతో కూడా మరో సినిమా ప్లాన్ చేస్తున్నట్లు వెల్లడించారు. రానాతో చేయబోయే మూవీ ‘నేనే రాజు నేనే మంత్రి' చిత్రాన్నికి భిన్నంగా ఉంటుందని, పూర్తి కమర్షియల్ ఎలిమెంట్స్‌తో ఈ సినిమా తీయబోతున్నట్లు తెలిపారు.

అందుకే ఎన్టీఆర్ బయోపిక్ నుండి తేజ తప్పుకున్నాడా?

ఎన్టీఆర్ బయోపిక్ నుండి ఎందుకు తప్పుకున్నారనే విషయమై తేజ స్పందించలేదు. ఎన్టీఆర్ జీవితాన్ని తెరపై చూపించడం మామూలు విషయం కాదు, ఎన్నో సవాళ్లతో కూడుకున్న అంశం, దీన్ని హ్యాండిల్ చేసే కెపాసిటీ తనకు లేకని చివరి నమిషంలో రియలైజ్ అయిన ఆయన తనకు తానుగా తప్పుకున్నట్లు ప్రచారం జరుగుతోంది. అయితే అసలు కారణం బాలయ్యతో విబేధాలే అని ఆయన సన్నిహితులంటున్నారు.

ఉదయ్ కిరణ్ బయోపిక్ రూమర్స్

తేజ దర్శకత్వం వహించిన ‘చిత్రం' మూవీ ద్వారా ఉదయ్ కిరణ్ హీరోగా కెరీర్ మొదలు పెట్టారు. ఈ సినిమా తర్వాత వరుస హిట్లు కొడుతూ తూసుకెళ్లారు. అయితే ఆ తర్వాత ఉదయ్ కిరణ్ కెరీర్ ఒక్కసారిగా డౌన్ అయింది. 2014లో ఎవరూ ఆత్మహత్య చేసుకున్నాడు. ఉదయ్ కిరణ్ ప్రొఫెషనల్, పర్సనల్ లైఫ్ గురించి బాగా తెలిసిన వ్యక్తుల్లో తేజ ఒకరు. ఆ కారణంగానే తేజకు లింకు పెడుతూ ఉదయ్ కిరణ్ బయోపిక్ రూమర్స్ తెరపైకి వచ్చినట్లు తెలుస్తోంది. ఎట్టకేలకు ఆయన క్లారిటీ ఇవ్వడంతో ఈ రూమర్లకు తెరపడింది.