Don't Miss!
- Sports ధోనీ సార్ ధోనీ.. అంతే: సౌండ్ లెవెల్ ఏ రేంజ్లో ఉందంటే..
- News ఏపీలో తీవ్ర వడగాల్పులు: అప్రమత్తంగా ఉండక తప్పదు
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
ఆయన లెవల్లో తీయలేనేమో అన్నాను: ఎన్టీఆర్ బయోపిక్పై దర్శకుడు తేజ
మహా నటుడు, మాజీ ముఖ్యమంత్రి స్వర్గీయ నందమూరి తారక రామారావు జీవితంపై తెరకెక్కుతున్న బయోపిక్ ప్రారంభోత్సవం గురువారం ఉదయం నాచారంలోని రామకృష్ణ స్టూడియోస్లో జరిగింది. ఈ సందర్భంగా చిత్ర దర్శకుడు తేజ ప్రసంగించారు.
నేను రామారావుగారికి పెద్ద అభిమానిని. ఆయన సినిమాకు డైరెక్షన్ చేసే అవకాశం వస్తుందని కలలో కూడా అనుకోలేదు. మొదట నన్ను వచ్చి అడిగితే ఆయన లెవల్కి నేను తీయలేనేమో అన్నాను. కానీ నిర్మాత విష్ణు గారు మీరే చేయాలి, చేయండి అన్నారు. చాలా అదృష్ణం చేసుకుంటే తప్ప రామారావుగారి సినిమా డైరెక్షన్ చేసే అవకాశం రాదు.. అని తేజ అన్నారు.
ఈ సినమాను ఎలాగైనా బాగా తీయడానికి ట్రై చేస్తున్నాను. ఏమైనా చిన్న తప్పులు ఉంటే తర్వాత నన్ను క్షమించాలి. కథ బాగా వచ్చింది, కథతో చాలా హ్యాపీగా ఉన్నాను. బాలకృష్ణ గారు ఎంతో బాగా చేస్తారు. ఇది నేను రాసిన కథ కాదు, జరిగిన కథ. దీన్ని కథ అనడం కంటే చరిత్ర అనడం మంచింది. రామారావుగారిది చాలా గొప్ప చరిత్ర... అని తేజ చెప్పుకొచ్చారు.
ఈ సినిమా కథ చదువుతుంటే ఒక సినిమా సరిపోదు, ఆరు సినిమాలు తీయాలి. అంత పెద్దగా ఉంది కథ. ఆరు సినిమాల కథ ఒక సినిమాలోకి తేవడానికి మాకు టైమ్ పడుతోంది. సినిమా చాలా బాగా వస్తుందనే నమ్మకం ఉంది. అన్ని అనుకున్నట్లు జరిగితే దసరాకు రిలీజ్ చేద్దామని అనుకుంటున్నాం అని తేజ తెలిపారు.