బన్నీ డ్యాన్సులకు లోఫర్ భామ ఫిదా.. అలా ఎలా అంటూ ఆశ్చర్యం.. అల్లు అర్జున్ స్టైలీష్ రిప్లై

లాక్ డౌన్ నేపథ్యంలో..

కరోనా వైరస్ ధాటికి ఏప్రిల్ 14 వరకు లాక్ డౌన్ విధించిన సంగతి తెలిసిందే. ప్రజలెవరూ రోడ్ల మీదకు రాకూడదని, అందరూ ఇంటి పట్టునే ఉండాలని ప్రభుత్వం ఆదేశించిన సంగతి తెలిసిందే. ఈ క్రమంతో సినీ తారలు సైతం ఇంట్లోనే ఉంటూ అందరికీ కరోనాపై అవగాహన కలిగిస్తున్నారు.

ఇంటి పట్టునే ఉంటూ..

ఇంటి పట్టునే ఉంటూ వినోద కార్యక్రమాలు చూసుకుంటూనో, వర్కౌట్లు చేసుకుంటూనో, ఫ్యామిలీతో సరదగా గడపడమో చేస్తున్నారు. అయితే ఈ క్రమంలో దిశా పఠానీ అల వైకుంఠపురములో సినిమాను వీక్షించినట్టు తెలుస్తోంది. దేశం మొత్తం ట్రెండ్ అల వైకుంఠపురములో చిత్రానికి, అల్లు అర్జున్ డ్యాన్సులకు దిశా ఫిదా అయిపోయింది.

బుట్టబొమ్మ స్టెప్పులకు షాక్..

బుట్ట బొమ్మ పాట ఎంతగా వైరల్ అయిందో, ఆ స్టెప్పులు ఎంతగా ఫేమస్ అయ్యాయో ప్రత్యేకంగా చెప్పనక్కర్లేదు. చిన్నా పెద్దా తేడా లేకుండా.. అందర్నీ ఆకట్టుకున్న బుట్టబొమ్మ స్టెప్పులు తాజాగా దిశా పఠానీని కట్టిపడేసింది. అలా ఎలా చేస్తారంటూ షాక్‌కు గురైంది.

బన్నీ కూల్ రిప్లై..

దిషా పఠానీ పొగుడుతూ చేసిన పోస్ట్‌కు స్పందించిన బన్నీ.. తనకు మ్యూజిక్ అంటే చాలా ఇష్టమని, మంచి సంగీతం వింటే చాలు సహజంగానే డ్యాన్స్ వచ్చేస్తోందని చెప్పుకొచ్చాడు. మీరిచ్చిన కాంప్లిమెంట్‌కు ధన్యవాదాలని పేర్కొన్నాడు. మా అందరిలో ఇలా స్ఫూర్తి నింపుతున్నందుకు ధన్యవాదాలంటూ దిశ రిప్లై ఇచ్చింది.