400 కోట్ల బడ్జెట్‌తో దిశా పటానీ మూవీ.. ఆగస్టులో సెట్స్‌పైకి!

రూ.400 కోట్ల బడ్జెట్

సంఘమిత్ర చిత్రం కనీవిని ఎరుగని రీతిలో సుమారు రూ.400 కోట్ల బడ్జెట్‌తో తెరకెక్కనున్నది. యుద్ధ నేపథ్యంగా సాగే ఎమోషనల్ డ్రామాగా సినీ వర్గాలు పేర్కొంటున్నాయి. ఈ చిత్రాన్ని థెనండాల్ ఫిల్మ్స్ బ్యానర్ నిర్మిస్తున్నది.

హైదరాబాద్‌లో భారీ సెట్

సంఘమిత్ర చిత్రం కోసం హైదరాబాద్‌తో ఓ భారీ, విలాసవంతమైన సెట్‌ను ఇప్పటికే రూపొందించారు. ఈ సెట్స్‌లోనే ఈ చిత్రం నిరంతరంగా షూటింగ్ జరుపుకొంటుందని చిత్ర వర్గాలు వెల్లడిస్తున్నాయి. ఈ చిత్రంలో జయం రవి, ఆర్య కీలక పాత్రలను పోషిస్తున్నారు.

కేన్స్‌లో ఫస్ట్ లుక్

వాస్తవానికి సంఘమిత్ర చిత్రం 2017 ఆరంభంలోనే సెట్స్‌పైకి వెళ్లాల్సింది. కేన్స్ ఫిలిం ఫెస్టివల్ ఈ చిత్ర ఫస్ట్ లుక్‌ను రిలీజ్ చేశారు. మొదట ఈ సినిమాలో టైటిల్ పాత్ర కోసం శృతిహాసన్ ఎంపిక చేశారు. అయితే ఆమె అనూహ్యంగా ఈ చిత్రం నుంచి తప్పుకోవడం కొంత ఆలస్యమైంది.

సంఘమిత్రంపై శృతి హాసన్ అసంతృప్తి

సంఘమిత్ర విషయంలో దర్శకుడి, చిత్ర యూనిట్‌పై శృతిహాసన్ అసంతృప్తిని వ్యక్తం చేశారు. సంఘమిత్ర చిత్ర స్క్రిప్టు పూర్తి కాలేదు. మరో రెండు సంవత్సరాలపాటు ఈ చిత్రం సెట్స్ పైకి వెళ్లే అవకాశం లేదు అని ఆరోపిస్తూ శృతి హాసన్ తప్పుకోవడం వివాదంగా మారింది. శృతిహాసన్ ఆరోపణలను దర్శకుడు సుందర్‌తోపాటు ఆయన సతీమణి కుష్బూ కూడా ఖండించారు.