ఎఫైర్ అన్నా ఓకే.... ఆ మాట మాత్రం అనొద్దంటున్న సాయి పల్లవి!

ఆవార్తలను పట్టించుకోని సాయి పల్లవి

ఇటీవల ఆమె ఓ తమిళ హీరోతో చాలా క్లోజ్ గా ఉంటోందని, అడితో లవ్ ఎఫైర్ రన్ చేస్తుందనే పుకార్లు షికార్లు చేశాయి. ఈ వార్తలను సాయి పల్లవి అసలు పట్టించుకోలేదు. అయితే మీడియాలో తన గురించి వచ్చిన ఓ వార్త చూసి ఆమె ఆగ్రహానికి గురయ్యారు.

తనను అలా పిలవొద్దంటోంది

ఇటీవల ఓ పత్రికలో సాయి పల్లవిని మలయాళీ బ్యూటీ అని సంబోధిస్తూ వార్త రాశారు. దీనిపై సాయి పల్లవి స్పందిస్తూ..... తాను మలయాళీ అమ్మాయిని కాదని, తమిళ అమ్మాయినే అని, తనను అలాగే ట్రీట్ చేయాలని అంటోంది.

తమిళంలో అవకాశాలు

సాయి పల్లవికి ఇప్పుడిప్పుడే తమిళంలో అవకాశాలు వస్తున్నాయి. ధనుష్ హీరోగా తెరకెక్కిన మారి (తెలుగులో మాస్‌) చిత్రం తమిళంలో మంచి విజయం సాధించింది. దానికి సీక్వెల్‌గా ఇపుడు 'మారి 2' చిత్రం తెరకెక్కుతోంది. మారి -2 చిత్రం కోసం సాయి ప‌ల్ల‌విని హీరోయిన్‌గా ఎంచుకున్న‌ట్లు నిర్మాణ సంస్థ వూండ‌ర్‌బార్ ఫిల్మ్స్ వెల్ల‌డించింది.

తెలుగులో ఎంసీఏ

నాని హీరోగా హీరోగా తెలుగులో ఎంసీఏ -మిడిల్ క్లాస్ అబ్బాయి చిత్రం తెరకెక్కుతోంది. ఇందులో నానికి జంట‌గా ఇటీవ‌ల ఫిదాతో తెలుగువారి మ‌న‌సుల్ని దోచుకున్న సాయిప‌ల్ల‌వి నటిస్తుంది. శ్రీరామ్ వేణు ద‌ర్శ‌క‌త్వం వ‌హిస్తున్నారు.