తాతయ్య బయోపిక్‌లో నటించను: జూ ఎన్టీఆర్

తాతయ్య ఎన్టీఆర్ బయోపిక్ లో నటించను అని ఎన్టీఆర్ తెలిపారు.తనకు అంత ధైర్యం లేదని జూనియర్ వ్యాఖ్యానించారు. ఎన్టీఆర్ తెలుగు ప్రజల ఆస్తి అని ఆయన చెప్పుకొచ్చారు.బయోపిక్ తీసే స్వేచ్ఛ ఎవరికైనా ఉందన్నారు.

By Bojja Kumar

Published: Wednesday, October 4, 2017, 18:29 [IST]

సీనియర్ ఎన్టీఆర్ జీవితంపై త్వరలో సినిమా రాబోతున్న సంగతి తెలిసిందే. ఓ వైపు ఎన్టీఆర్ తనయుడు బాలయ్య ఎన్టీఆర్ బయోపిక్ ప్లాన్ చేస్తుండగా.... మరో వైపు దర్శకుడు రామ్ గోపాల్ వర్మ కూడా ఎన్టీఆర్ బయోపిక్‌ను వివాదాస్పద కోణంలో తెరకెక్కించేందుకు సిద్ధమయ్యారు.

ఎన్టీఆర్ బయోపిక్ మీద రెండు సినిమాలు వస్తుండటంపై యంగ్ టైగర్ జూ ఎన్టీఆర్ స్పందించారు. సీనియర్ ఎన్టీఆర్ పై సినిమా తీసే స్వేచ్ఛ అంద‌రికీ ఉంద‌ని జూ ఎన్టీఆర్ తాజాగా ఓ ఇంటర్వ్యూలో వ్యాఖ్యానించారు. తాతటగారి జీవితం ఎందరికో ఆదర్శం అన్నారు.

నేను నటించను

తాతయ్య జీవిత కథతో వచ్చే సినిమాలో తాను నటించడానికి సిద్ధంగా లేనని ఎన్టీఆర్ తేల్చి చెప్పారు. అంత ధైర్యం త‌న‌కు లేద‌ని ఎన్టీఆర్ వ్యాఖ్యానించారు.

ఎన్టీఆర్ తెలుగు ప్రజల ఆస్తి

ఎన్టీఆర్ ఆ రోజుల్లో కుటుంబాన్ని విడిచి ప్రజలకు సేవ చేయడానికి రాజకీయాల్లోకి వెళ్లార‌ని, తెలుగు వారి ఆత్మగౌరవాన్ని నిలబెట్టిన నాయకుడని జూ ఎన్టీఆర్ అన్నారు. అలా ఎన్టీఆర్‌ తెలుగు ప్రజల ఆస్తిగా మారారని... తారక్ వ్యాఖ్యానించారు.