హోమ్

న్యూస్

సీమాధ్రవాసులు నిర్మిస్తున్న సినిమాలను చూడకుండా, తెలంగాణ సంస్కృతి సాంప్రదాయాలకు అద్దం పట్టే చిన్న సినిమాలను ఆదరించాలని తెలంగాణ చలనచిత్ర, టీవీ, నాటకరంగ అభివృద్ధి కమిటీ పిలుపునిచ్చింది. మంగళవారం హైదర్‌గూడలో ఈ కమిటీ ఆధ్వర్యంలో 'తెలంగాణకు కోస్తాంధ్ర సినిమా అవసరమా..?' '24 ప్రేమ్ ‌ల్లో తెలంగాణ వాటా ఎంత?' అన్న అంశాలపై రౌండ్‌ టేబుల్‌ సమావేశం నిర్వహించారు. ఈ సందర్భంగా చిత్ర పరిశ్రమలో సీమాంధ్ర పెట్టుబడిదారులు ఆధిపత్యం అధికమై తెలంగాణ యాస, భాషను కించపరిచేలా చిత్రాలను నిర్మిస్తున్నారని విమర్శించారు. తెలంగాణ సంస్కృతి, సంప్రదాయాలను ప్రతిబింబించే సినిమాలను సంరక్షించుకోవాలని అన్నారు. సినిమా సామాన్యుడి వినోదమని..దాన్ని కాపాడాల్సిన బాధ్యత ప్రతిఒక్కరిపై ఉందని కమిటీ పేర్కొంది.