మహేష్ ప్యాన్స్ కు రేపే పెద్ద పండుగ

By Srikanya

Published: Friday, December 30, 2011, 14:19 [IST]

మహేష్ బాబు ఫ్యాన్స్ రేపు అంటే జనవరి 31న పెద్ద పండగ జరుపుకోనున్నారు. అదీ రేపటికి దూకుడు చిత్రం వందరోజులు పూర్తి చేసుకోనుంది. అందులోనూ న్యూ ఇయిర్ సెలబ్రేషన్స్ కూడా కలిసి రావటం వారిలో ఉత్సాహాన్ని నింపుతోంది. అయితే అఫీషియల్ గా నిర్మాతలు ఈ చిత్రం వందరోజుల పండుగ జరపటానికి ప్లేసు అది ప్రకటించలేదు. ఐటీ దాడులు జరగటం,కలెక్షన్స్ తలనొప్పులు రావటంతో వారు సైలెంట్ అయ్యారని వినపడుతోంది. ఇక ఈ వంద రోజుల సెలబ్రేషన్స్ కోసం దూకుడు ఆడుతున్న థియేటర్స్ ని అలంకరిస్తున్నారు. మరో ప్రక్క బిజినెస్ మ్యాన్ తో మహేష్ సంక్రాంతికి పలకరించటానికి రెడీ అవుతూండటం కూడా వారిలో ఆనందం కలగచేస్తోంది.

ఎప్పుడూ ఒక సినిమాకు మరో సినిమాకు విపరీతమైన సమయం గ్యాప్ తీసుకునే మహేష్ కంటిన్యూగా సినిమా చేస్తూండటంతో వారంతా హ్యాపీగా ఫీలవుతున్నారు. ఇక బిజినెస్ మ్యాన్ పాటలు కూడా పెద్ద హిట్టవటం కూడా వారికి కలిసివచ్చిన అంశం. పోకిరి వంటి మెగా హిట్ అందించిన పూరి జగన్నాధ్ దర్సకత్వంలో రూపొందుతున్న బిజినెస్ మ్యాన్ సంక్రాంతికి ఓ రేంజి హిట్టవుతుందని,అన్ని రికార్డులను బ్రద్దలు కొడుతుందని వారు విశ్వసిస్తున్నారు. ఫేస్ బుక్కుల్లోనూ,ట్విట్టర్స్ లోనూ వారు ఈ మేరకు తన స్నేహితులతో ఆనందం పంచుకుంటున్నారు.

More from Filmibeat