»   » ‘దూకుడు’ ఆగస్టు 12న విడుదల చేయబోతున్నారు

‘దూకుడు’ ఆగస్టు 12న విడుదల చేయబోతున్నారు

Posted By:
Subscribe to Filmibeat Telugu

మహేష్, శ్రీను వైట్ల కాంబినేషన్ లో రూపొందుతున్న 'దూకుడు" చిత్రం ఆగస్టు 12న విడుదల చేయటానికి దర్శక,నిర్మాతలు ప్లాన్ చేస్తున్నట్లు విశ్వసనీయ సమాచారం. అలాగే ఈ చిత్రం ఆడియోని జూలై 10వ తేదీన విడుదల చేయాలని చూస్తున్నారు. 'ఖలేజా" చిత్రం తర్వాత మహేష్‌ బాబు నటిస్తున్న ఈ చిత్రంపై మంచి అంచనాలే ఉన్నాయి.. శ్రీను వైట్ల దర్శకత్వంలో రూపొందుతున్న ఈ చిత్రంలో సమంతా హీరోయిన్‌ గా నటిస్తోంది. హ్యాపిడేస్ సోనియా'దూకుడు" చిత్రంలో ఓ ప్రముఖ పాత్రను పోషిస్తోంది.హ్యాపీడేస్, 'వినాయకుడు, బ్రహ్మాలోకం టు యమలోకం వయా భూలోకం"లో నటించిన సోనియాను ఇప్పుడు ఓ అరుదైన అవకాశం వరించింది.

16 రీల్స్‌ బ్యానర్‌ పై రామ్‌ అచంట, గోపీచంద్‌ అచంట, అనిల్‌ సుంకరలు సంయుక్తంగా నిర్మిస్తున్న ఈ చిత్రం షూటింగ్‌ ప్రస్తుతం హైదరాబాద్ లో జరుగుతోంది. 'దూకుడు" టైటిల్‌ కు తగ్గట్టుగా ఈ చిత్రంలో 'నీ దూకుడుకు సాటెవ్వడు..." అంటూ సాగే ఓ సాంగ్‌ ని పెట్టారు. అలాగే్ ఈ చిత్రంలో మహేష్..పోలీస్ ఆఫీసర్ గా కనిపిస్తారు. ఈ చిత్రానికి 'కిక్", 'బృందావనం" ఫేం తమన్ సంగీతం అందిస్తున్నాడు.

శ్రీను వైట్ల మార్కు కామెడీతో పాటు మహేష్ సినిమాల్లో వుండే హై ఓల్టేజ్ యాక్షన్ ఈ చిత్రంలో ఉంటుందని అంటున్నారు. 'దూకుడు" కథపై ఎప్పటికంటే ఎక్కువ రోజులు కష్టపడిన శ్రీను వైట్ల మహేష్ మెచ్చే రేంజ్ లో స్టోరీ అద్భుతంగా రెడీ చేశాడని చెప్తున్నారు. ఈ చిత్రానికి గోపీ మోహన్ కథ అందిస్తూంటే కోన వెంకట్ మాటలు రాస్తున్నారు.

English summary
The buzz is that the makers are planning to release Dookudu audio on 10th of July and the film on 12th of August. An action-packed entertainer, Dookudu has Samantha Ruth Prabhu as the leading lady opposite Mahesh Babu. Anil Sunkara, Achanta Gopinath and Achanta Ram are producing the film on the banner of 14 Reels Entertainment Pvt. Ltd.
Please Wait while comments are loading...
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu