నయనతార తప్పేముంది?

By Staff

Published: Wednesday, March 11, 2026, 0:56 [IST]

కథానాయుకుడు(కుశేలన్),సెల్యూట్ (సత్యం) రెండూ భాక్సాఫీసు వద్దం విజయాన్ని నమోదు చెయ్యకపోవటం టాప్ ప్లేస్ లో ఉన్న నయనతారని డైలమాలో పడేస్తోందిట. నిజానికి ఈ రెండూ ప్రేక్షకుల్లో హైప్ క్రియేట్ చేసిన భారీ సినిమాలే. అంతేగాక ఈ రెండు సినిమాల్లోనూ తన శాయశక్తులా కష్టపడి అంగాంగ ప్రదర్శన చేసింది. అయినా ఫలితం లేకుండా పోయింది. కొద్దో గొప్పో సెల్యూట్ ఫవరాలేదనిపించటం కొంత వరకూ ఊరట.అయినా ఈ సినిమాల ఫ్లాప్ లలో నయనతార భాధ్యత ఏముంది. ఒకరకంగా ఆమె ఈ సినిమాలకు ప్లస్ అయిందే కానీ మైనస్ కాలేదనేది విశ్లేషకులు చెప్తున్నారు.

దాంతో ఆమెకు ఆఫర్స్ ఏమీ తగ్గకపోయినా లాంగ్ రన్ లో ఇలాంటి ఫెయిల్యూర్స్ వల్ల దెబ్బ అంటున్నారు. అయితే ఇప్పడు నయనతార కొత్తగా చేయవల్సిందేముంది...అనేదానికన్నా కొంతకాలం పోతే కొత్తగా చూపేదేముంది అన్న ప్రశ్న రాకుండా ఉండాలంటే ఎంచుకునే పాత్రలపై శ్రధ్ద పెట్టాలంటున్నారు.గ్లామర్ డాల్ నుండి కొంత ప్రక్కకు రావాలని సజెషన్ ఇస్తున్నారు. అయితే హీరోయిన్స్ కి అంత స్వాతంత్ర్యం ఉంటుందా అంటే ఛార్మీలా ప్రయత్నించాలనేది వారి వాదన. అయినా అలాంటి సినిమాలైతే పేరైతే వస్తుంది కానీ మిడిల్ బడ్జెట్ సినిమాల నుండి డబ్బేం రాలుతుందనేది ఆమె ప్రశ్న. కరక్టె కానీ స్టాండర్డ్ కెరీర్ కి నటన కూడా అవసరమే కదా...

More from Filmibeat