అర్ధం కాని స్థితిలో ఆమె ....

By Staff

Published: Tuesday, March 10, 2026, 20:33 [IST]

అదేంటో గాని అర్చన అలియాస్ వేద చేసిన ఒక్క సినిమా హిట్టవదు... కిక్కివదు...ఆశ పెట్టుకున్న సినిమాలు అసలు రిలీజే కావు. దాంతో ఆమె బాగా బ్యాడ్ టైం నడుస్తోందని పేరు కూడా మర్చుకోవటానికి రెడీ అయింది. కాని లక్కే కలవలేదు. అల్లరి నరేష్ తో చేసిన తొలి సినిమా 'నేను' మీద అప్పట్లో హై హోప్స్ పెట్టుకుంది. కాని ఆ సినిమా తెరంగ్రేటంకే ఉపయోగపడింది. తరువాత వంశి వంటి దర్శకుడు దృష్టిలో పడి 'కొంచెం టచ్ లో ఉంటే చెపుతాను' అని అందరికి ఆశ చూపింది. కాని అప్పుడూ ఎవరూ రెస్పాండ్ కాలేదు. పద్దతి ఇది కాదు మన వాళ్ళకు పొరుగింటి పుల్లకూర రుచి కదా అని తమిళ,కన్నడ పరిశ్రమ లోకి ప్రవేశించింది. అక్కడ ఫరవాలేదనిపించుకుంది కాని వెళ్ళిన పని నెరవేరలేదు. ఈ సారి తెలుగు తెర పూర్తిగా మరిచిపోయింది.

ఎవరూ కూడా పిలిచి ఒక్క సినిమా కూడా ఇవ్వలేదు. మరీ సంప్రదాయ పాత్రలు చేయటం వల్ల కెరీర్ కదలటం లేదేమోనని నాన్ వెజ్ పాత్రలైతే అందరి దృష్టిలో పడొచ్చు అని డిసైడ్ అయింది. తరువాత చేసిన 'బ్యాంకు' సినిమాలో ' ఓ అప్పారావు...ఓ సుబ్బారువు' లాంటి రీమిక్స్ పాటల్లో రెచ్చి పోయి అందాలు ఒలకపోసింది. అందులోనూ జాకి ష్రాఫ్ వంటి సీనియర్ బాలీవుడ్ నటుడుతో చేయటంతో మరీ మురిసిపోయింది. నాలుగు భాషల్లో విడుదల చేస్తామని బిల్డప్ ఇచ్చిన ఆ సినిమా బయ్యర్లు లేక ఒక్క భాషలోనూ విడుదల అయ్యే సూచన కనిపించటం లేదు. దాంతో యేం చేయాలో పాలు పోని స్థితిలో ఉన్నామెకి కాస్త నటన నేర్చుకుని,ఫోజు తగ్గిస్తే అవకాశాలు వస్తాయని సీనియర్లు సలహా ఇస్తున్నారు.

More from Filmibeat