కాలా విడుదల అనుమానమేనా.. రాజకీయం ఆలోచిస్తున్న రజనీ!

2.0 ఏమైందో తెలియదు

స్టార్ డైరెక్టర్ శంకర్ తెరకెక్కించిన రోబో సీక్వెల్ చిత్రం 2.0 పరిస్థితి ఏంటో ఎవరికీ అర్థం కావడం లేదు. వాయిదాలమీద వాయిదాలు పడుతూ వచ్చిన ఆ చిత్రం గురించి ఇంటివంటి వార్త లేదు.

ఐపీఎల్ ఫైనల్‌లో అన్నారు

2.0 టీజర్ ని ఐపీఎల్ ఫైనల్ వేదికగా విడుదల చేస్తాం అంటూ ప్రచారం జరిగింది. తమిళనాడు తూత్తుకుడి కాల్పుల ఘటన వలన ఉద్రిక్త పరిస్థితులు నెలకొన్నాయి. అసందర్భంగా చేసిన ట్వీట్ వలన దర్శకుడు శంకర్ కూడా విమర్శల పాలయ్యాడు. ఇలాంటి పరిస్థితుల్లో టీజర్ విడుదల సరికాదని వెనక్కి తగ్గినట్లు తెలుస్తోంది.

కాలాపై కూడా ఎఫెక్ట్

ఇదే పరిస్థితి కాలా చిత్రానికి కూడా తప్పేలా లేదు. జూన్ 7 న కాలా చిత్రం విడుదల కావాల్సి ఉంది. అంటే కనీసం 10 రోజులముందు నుంచి అయినా ప్రమోషన్ కార్యక్రమాలు మొదలు పెట్టాలి. చిత్ర పరిశ్రమ మొత్తం స్టెర్ లైట్ ఆందోళనకారులకు మద్దతుగా నిలుస్తున్న తరుణంలో సినిమా కార్యక్రమాలు సరికాదని రజని భావిస్తున్నారట.

విడుదల అనుమానమే

రజని రాజకీయాల్లోకి అడుగుపెట్టబోతున్న తరుణంలో ఇలాంటి వివాదాలు సరికాదని, కాలా విడుదల విషయంలో వెనక్కు తగ్గే అవకాశాలు ఉన్నాయని వార్తలు వస్తున్నాయి. ఇప్పటికైతే జూన్ 7 నే చిత్రం విడుదలవుతుందని చిత్ర యూనిట్ చెబుతోంది.