దృశ్యం 2, చక్ర, నాందికి కోలుకోలేని దెబ్బ.. తమిళ్ రాకర్స్ హెచ్‌డీ ఫార్మాట్‌ లీక్‌

అమెజాన్ ప్రైమ్‌లో దృశ్యం 2

దృశ్యం 2 సినిమా విషయానికి వస్తే వాస్తవానికి థియేటర్లో రిలీజ్ కావాల్సింది. అయితే లాక్‌డౌన్ కాలంలో అమెజాన్‌తో ఒప్పందం కుదిరినందు వల్ల సినిమాను అమెజాన్‌లో స్ట్రీమింగ్ చేశారు. ఫిబ్రవరి 18వ తేదీ రాత్రి ఈ సినిమాను ప్రేక్షకుల ముందుకు తీసుకొచ్చారు.

మోహన్‌లాల్ స్పందిస్తూ

దృశ్యం 2 సినిమాపై ప్రేక్షకులు, సినీ విమర్శకులు కురిపిస్తున్న ప్రశంసలపై హీరో మోహన్‌లాల్ స్పందించారు. సోషల్ మీడియాలో వెల్లువిరిస్తున్న కామెంట్లపై స్పందిస్తూ.. దృశ్యం 2 సినిమాపై వస్తున్న రెస్పాన్స్ చూసి ఆనందంలో మునిగిపోయాను అంటూ ఆయన పేర్కొన్నారు.

ఆన్‌లైన్‌లో దృశ్యం 2 లీక్

అయితే ప్రేక్షకులు నుంచి విశేషమైన స్పందన వస్తున్న నేపథ్యంలో దృశ్యం2 సినిమాపై తమిళ రాకర్స్ పంజా విసిరింది. ఈ చిత్రానికి సంబంధించిన పైరసీ కాపీని తన వెబ్‌సైట్స్‌లో ఉంచింది. హెచ్ డీ ప్రింట్ డౌన్‌లోడ్ ఆప్షన్ ఇవ్వడంతో అమెజాన్‌కు భారీగా నష్టం వాటిల్లే అవకాశం ఉంది.

నాంది, పొగరు, చక్రకు తప్పని లీకుల బెడద

కేవలం దృశ్యం సినిమానే కాకుండా ప్రస్తుత వారంలో విడుదలైన నాంది, చక్ర, పొగరు లాంటి సినిమాలను పైరసీ చేసి మరోసారి నిర్మాతలకు, చిత్ర యూనిట్‌కు తమిళ్ రాకర్స్ సవాల్ విసింది. గతంలో తమిళ్ రాకర్స్ లీకేజ్‌లపై విశాల్ యుద్దం ప్రకటించిన సంగతి తెలిసిందే.