రూ. 100 కోట్లిస్తాం రాజమౌళి సినిమా వదిలేయ్....నిర్మాతకు దిమమ్మదిరిగే ఆఫర్?

రూ. 100 కోట్లు ఇస్తాం వదిలేయ్

రూ. 100 కోట్లు ఇస్తాం, ఈ ప్రాజెక్ట్ నుండి తప్పుకోవాలని, దాన్ని మాకు అప్పగించాలని డివివి దానయ్యకు బడా నిర్మాతల నుండి దమ్మదిరిగే ఆఫర్ వచ్చినట్లు కథనాలు ప్రచారంలోకి వచ్చాయి. ఇంకా సినిమా ప్రీ ప్రొడక్షన్ దశలో ఉండటం, రామ్ చరణ్-ఎన్టీఆర్ తప్ప ఇంకా ఇతర నటీనటులు, టెక్నీషియన్స్ ఫైనల్ కాలేదు కాబట్టి నువ్వు తప్పుకోవడం వల్ల ఎలాంటి సమస్య రాదని నచ్చజెప్పే ప్రయత్నం చేశారట.

ఈ ఆఫర్ ఇచ్చింది ఎవరు?

డివివి దానయ్యకు ఈ ఆఫర్ బడా నిర్మాతలైన ప్రసాద్ దేవినేని, శోభు యార్లగడ్డ నుంచి వచ్చినట్లు రూమర్స్ ప్రచారంలోకి వచ్చాయి. ఈ ఇద్దరు గతంలో రాజమౌళి దర్శకత్వంలో వందల కోట్ల ఖర్చుతో బాహుబలి చిత్రాన్ని నిర్మించిన సంగతి తెలిసిందే. అయితే ఈ రూమర్స్‌లో నిజం ఎంత అనేది తెలియాల్సి ఉంది.

ఆఫర్ తిరస్కరించిన దానయ్య

అయితే ఈ ఆఫర్ డివివి దానయ్య నిర్మొహమాటంగా తిరస్కరించారట. రాజమౌళితో ఒక పెద్ద సినిమా చేయాలని దానయ్య కొన్ని సంవత్సరాలుగా వెయిట్ చేస్తున్నారు. తన కల ఇప్పటికీ నిజం అవుతండటంతో డబ్బు కోసం ఈ ప్రాజెక్టును వదులుకోవడానికి సిద్ధంగా లేని తేల్చి చెప్పారట.

ప్రతిష్టాత్మకంగా తీసుకున్న దానయ్య

రాజమౌళి తాను తెరకెక్కించిన బాహుబలి చిత్రాన్ని అంతర్జాతీయ స్థాయికి తీసుకెళ్లిన సంగతి తెలిసిందే. ప్రస్తుతం ఆయన ఎన్టీఆర్-రామ్ చరణ్‌తో తీయబోయే చిత్రం కూడా నేషనల్ లెవల్ ప్రాజెక్ట్. దీంతో ఈ ప్రాజెక్టును దానయ్య ప్రతిష్టాత్మకంగా తీసుకున్నారు.