అరవింద సమేత హీరోయిన్ ఒంటి రంగు గురించి కామెంట్.. ఎలా తిప్పికొట్టిందో తెలుసా!

అరవింద సమేత చిత్రంలో

అరవింద సమేత చిత్రంలో ఇషా రెబ్బ సెకండ్ హీరోయిన్ గా నటించిన సంగతి తెలిసిందే. ఈ చిత్రం ఘనవిజయం సాధించడంతో ఇషా సంతోషంలో ఉంది. అమీ తుమీ, అ! వంటి చిత్రాల్లో ఇషా పోషించిన పాత్రలకు అద్భుతమైన స్పందన లభించింది.

మీరు ఇంకొంచం కలర్ ఉంటే

ఇటీవల సోషల్ మీడియాలో అభిమానులతో ఇషా ముచ్చటించింది. ఈ సందర్భంగా ఓ అభిమాని.. మీరు ఇంకొంచెం కలర్ ఉంటే తిరుగుండేది కాదు అని కామెంట్ చేశాడు. అతడి కామెంట్ కు ఇషా రెబ్బ ధీటుగా సమాధానం ఇచ్చింది.

హీరోలు ఎలా ఉన్నా పర్వాలేదు

ఇషా అతడికి సమాధానం ఇస్తూ.. ఎందుకండీ ఈ కలర్ పిచ్చి. నాకు ఉన్న కలర్ తో నేను సంతోషంగా ఉన్నాను. హీరోలు ఎలా ఉన్నా పర్వాలేదు. కానీ హీరోయిన్ మాత్రం తెల్లగా ఉండాలి. హీరోయిన్లు మన నేటివిటీకి దూరంగా తెల్లగా ఉంటేనే ఇష్టపడతారా అంటూ ఇషా ప్రశ్నించింది.

అవకాశాలు అందుకుంటూ

ఇషా రెబ్బ వెంట వెంటనే సినిమాలు చేయకున్నా మంచి సబ్జెక్టు ఉన్న చిత్రాల్ని ఎంపిక చేసుకుంటోంది. ప్రస్తుతం ఇషా సుమంత్ సరసన సుబ్రమణ్యపురం చిత్రంలో నటిస్తున్న సంగతి తెలిసిందే. ఈ చిత్రం నవంబర్ లో విడుదలకు సిద్ధం అవుతోంది.