సెక్స్‌తో నాకు సమస్య లేదు.. నిషేధిస్తే ఇంకా ప్రమాదం.. ఏక్తా కపూర్

అడల్ట్ కంటెంట్‌పై నిషేధమా?

సుప్రీంకోర్టు ఆదేశాలు జారీ చేసిన నేపథ్యంలో నిర్మాత ఏక్తా కపూర్ స్పందిస్తూ. అసభ్య, పెద్దలకు మాత్రమే కంటెంట్‌ను నిషేధిస్తే చాలా ప్రభావం చూపుతుంది. ప్రస్తుతం విషాదకరమైన పరిస్థితి నెలకొని ఉంది. కానీ నియంత్రణ అనేది ఉండాలి. చాలా మంది మీరు అంతా బోల్డ్‌గా ఉంటారనే ప్రశ్న వేస్తారు. కానీ నాకు సెక్స్ అనే దానితో ఎలాంటి సమస్య లేదు అని ఏక్తా కపూర్ పేర్కొన్నారు.

మంచి, చెడు రెండు ఉన్నాయని

అసభ్య, అశ్లీల, అడల్ట్ కంటెంట్ చిత్రాల్లో నటించే వాళ్లకు, చూసే వాళ్లకు ఇబ్బంది లేనప్పుడు నిషేధించాల్సిన అవసరం లేదు. కాకపోతే సెన్సార్‌షిప్ ఉండాలి. ఈ కంటెంట్ విషయంలో మంచి, చెడు రెండు ఉన్నాయి. చట్టబద్దంగా ఉండే పెళ్లిలో కూడా నేరాలు జరగడం చూస్తున్నాం. నేరాలకు సెక్స్ కారణం కాదు అని ఏక్తా కపూర్ తెలిపారు.

అణిచి వేస్తే ఇంకా ప్రమాదం పొంచి

సుప్రీంకోర్టు ఆదేశాలపై స్పందిస్తూ.. మనం నిర్ణయంతో పనిలేదు. నిర్ణయం, అభిప్రాయం వెల్లడించడానికి మనకేం అవసరం. మన సమాజంలో దేనిపైనైనా నిషేధం విధిస్తే దానికి ఇంకా క్రేజ్, డిమాండ్ పెరుగుతుంది. అది మానవ నైజం అని ఏక్తా కపూర్ అన్నారు. అడల్ట్ కంటెంట్‌ను నిషేధిస్తే ఇంకా ప్రమాధం ఉంటుంది అని ఏక్తా కపూర్ వెల్లడించారు.

మాస్ ఆడియెన్స్‌కు చేరువయ్యేలా

ఏఎల్‌టీ బాలాజీలో చాలా మంచి కంటెట్ పెడుతున్నాం. ఆర్బన్ ఆడియెన్స్, మాస్ ఆడియెన్స్‌కు చేరువయ్యేలా ప్రయత్నిస్తున్నాం అని ఏక్తా కపూర్ అన్నారు. వెబ్ మీడియానికి ప్రేక్షకుల నుంచి మంచి స్పందన లభిస్తున్నది. కవాచ్, బేపనా ప్యార్ లాంటి సీరియల్స్ క్రేజీగా సాగుతున్నాయి. మున్ముందు వెబ్ సిరీస్, ఇతర కార్యక్రమాలను పెంచేందుకు ప్రయత్నిస్తాం. మారుతున్న కాలానికి, ప్రేక్షకుల అభిరుచికి తగినట్టుగా మార్పులు తీసుకొస్తాం అని ఏక్తా కపూర్ తెలిపారు.