హోమ్

న్యూస్

మాస్ ఫాలోయింగ్ ఉన్న నందమూరి కళ్యాణ్ రామ్, ఫ్యామిలీ ఆడియెన్స్‌కు నచ్చేలా చిత్రాలు చేసే సతీష్ వేగేశ్న కలిసి ప్రేక్షకులను పలకరించేందుకు వస్తున్నారు. ఎంత మంచివాడవురా అంటూ టైటిల్‌తోనే ఓ పాజిటివ్ వైబ్స్‌ను క్రియేట్ చేసిన చిత్రయూనిట్.. టీజర్, సాంగ్స్‌తో మంచి అంచనాలను పెంచింది. సంక్రాంతి కానుకగా రిలీజ్ కాబోతోన్న ఈ మూవీ ప్రీ రిలీజ్ ఈవెంట్‌ను నేడు నిర్వహిస్తున్నారు. ఈ కార్యక్రమానికి ఎన్టీఆర్ ముఖ్య అతిథిగా రానున్నాడు. ఈ ఈవెంట్ లైవ్ అప్‌డేట్స్ మీ కోసం..

ఈ ఈవెంట్‌లో నటుడు ప్రభు మాట్లాడుతూ.. 'నందమూరి అభిమానులకు నమస్కారం. ఈ చిత్రంలో మంచి క్యారెక్టర్ ఇచ్చినందుకు డైరెక్టర్ సతీస్ వేగేశ్నకు ధన్యవాదాలు. ఇంత మంచి వాళ్లు కలిసి చేసిన ఈ చిత్రాన్ని మీ లాంటి మంచి వాళ్లు అందరూ చూసి మంచి హిట్ చేయాల'ని అన్నాడు.

రచ్చ రవి మాట్లాడుతూ.. నందమూరి అభిమానులకు, యంగ్ టైగర్ తమ్ముళ్లకు, కళ్యాణ్ రామ్ ముద్దుల తమ్ముళ్లకు నమస్కారం. ఇలా మీ అందర్నీ చూస్తుంటే.. ఇన్ని వేల సింహాలను ఒకే చోటకు పిలిచి ఈవెంట్ చేస్తున్నట్లు అనిపిస్తుంది. ఈ చిత్రంలో చాన్స్ ఇచ్చినందుకు డైరెక్టర్ సతీస్ వేగేశ్నకు థ్యాంక్స్. ఈ సినిమా సంక్రాంతి రోజున రాబోతోంది. ఎంతమంచి వాడవురా చూసి కళ్యాణ్ రామ్‌ను ఎంత మంచివాడవురా అని అనుకుంటార'ని అన్నాడు.

భద్రం మాట్లాడుతూ.. అందరికీ నమస్కారం అంటూ... జై నందమూరి అంటూ అభిమానుల్లో ఉత్సాహాన్ని నింపాడు. ఈ ఈవెంట్‌కు ఎన్టీఆర్ చీఫ్ గెస్ట్ కాదు. ఇది ఆయన ఇంట్లో జరిగే ఫంక్షన్.. ఆయన చేతుల మీదుగా జరిగే ఫంక్షన్. ఎన్టీఆర్-కళ్యాణ్ రామ్ కలిసి ఓ సినిమా చేయాలని, ఆ చిత్రాన్ని సతీస్ వేగేశ్న డైరెక్ట్ చేయాలని అందులోనూ అన్నదమ్ముల్లానే నటించాలనే కోరికను బయటపెట్టాడు.