»   »  ఈటీవీ సుమన్ విశ్వరూపం

ఈటీవీ సుమన్ విశ్వరూపం

Posted By:
Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts
    Usha Parinayam
    నిర్మాణం, దర్శకత్వంతోపాటు కథ, స్క్రీన్‌ప్లే, మాటలు, పాటలు, బొమ్మలు, సంగీత విభాగాల బాధ్యతల్నీ ఈటీవి సుమన్‌ చేపట్టి చేసిన ఉషాపరిణయం చిత్రం ఈ రోజే రిలీజవుతోంది. దాంతో ఈ విన్యాసం పెద్ద తెరపై ఈటీవీ సమన్ విశ్వరూప ప్రదర్శనం అంటున్నారు. గతంలో కూడా ఇలాగే శాఖలు అన్ని తానే చేసేసి టీవి సీరియల్స్ తో ప్రేక్షకులకు సహన పరీక్ష పెట్టిన విషయం ఎవరూ మర్ఛిపోలేరు. ఈ సినిమా విడుదల సందర్భంగా ఆయన మాట్లాడుతూ "ఇది పూర్తి వినోదభరితంగా సాగిపోయే చిత్రం. కుటుంబం మొత్తాన్ని, ముఖ్యంగా పిల్లల్ని ఆకట్టుకునే ఎన్నెన్నో హాస్య సన్నివేశాలు, మాయలు, మంత్రాలుంటాయి. చిత్రవిచిత్రమైన పాత్రలు, వేషధారణ, గ్రాఫిక్స్‌ ప్రత్యేక ఆకర్షణలు. ఇటీవల విడుదలైన పాటలకు మంచి ఆదరణ వచ్చింద"ని తెలిపారు.

    ఇక ఆయన హఠాత్తుగా టీవీ నుంచి సినిమాల వైపు రావడానికిగల కారణం చెపుతూ..మొదట్నించీ నాకు సినిమాలంటే ఇష్టం..అయితే...ఛానెల్‌ ప్రారంభించడం, వాటికి సంబంధించిన సీరియల్స్ తయారుచేయడంతో సినిమాలపై ప్రత్యేకంగా దృష్టి పెట్టలేకపోయాను. ఇప్పుడు సీరియల్స్‌తోపాటు సినిమాలు కూడా చేయాలని నిర్ణయించుకున్నాను అంటున్నారు.

    అయితే నేనే కథకుడిగా, దర్శకుడిగా, స్వరకర్తగా, గీత రచయితగా ఉండాలనే నియమం ఏమీ లేదు. కానీ..పౌరాణికాలు అయితే నేనే చేస్తా. వాటిపై అవగాహన కొద్ది మందికే ఉంది. వాటిని నాటకీయంగా చెప్పి వినోదాన్ని పంచడం అంత సులభం కాదు. ఆ గాథల్ని తెరకెక్కించాలనుకొంటే నేనే నటించి, దర్శకత్వం వహిస్తాను అన్నారు.అలాగే మరొకరుకి అవకాశమివ్వరా అంటే..కథ నచ్చి, నేను అనుకున్న విలువలకు తగ్గట్టు ఉండి, దర్శకత్వం చేయగలరన్న నమ్మకం కలిగితే తప్పకుండా మరొకరికి అవకాశం ఇస్తాను.

    ఇక ఈ చిత్ర కథ విషయానికి వస్తే బాణాసురుడనే రాక్షసరాజు కూతురు ఉష. ఆమెకి కల్లో ఓ అందమైన యువకుడు కనిపిస్తాడు. అతణ్నే పెళ్లి చేసుకోవాలని నిర్ణయించుకొని అతనెవరో తెలీక విరహంతో ఉష బాధపడుతూ ఉండగా-ఆమె స్నేహితురాలు చిత్రరేఖ సాయం చేస్తానంటుంది. అతనెవరో కనుక్కొని తన మాయలతో ఉష ముందు నిలబెడతానని మాటిస్తుంది. అందుకు చిత్రరేఖ చేసే ప్రయత్నం ఏమిటో అది ఎటువంటి పరిణామాలకు దారి తీస్తుందన్నదే ప్రధాన కథాంశం. ఇంతకీ ఈటీవి సుమన్ ని పెద్ద తెరపై ఏ విధంగా ప్రేక్షకులు ఆదరిస్తారు అన్నవిషయం ఈరోజు తేలనుంది.

     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more