Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
ఎన్ని కోట్లు కావాలి? డబ్బులిస్తే ‘లక్ష్మీస్ ఎన్టీఆర్’ సినిమా ఆపేస్తారా?
'లక్ష్మీస్ ఎన్టీఆర్' చిత్రం ఏపీ ముఖ్యమంత్రి చంద్రబాబు నాయుడికి వ్యతిరేకంగా తీశారని, ఈ చిత్రం విడుదలైతే ఎన్నికలపై ప్రభావం చూపే అవకాశం ఉందంటూ ఆరోపణలు చేస్తున్న తెలుగు దేశం పార్టీ వారు ఎలాగైనా విడుదల అడ్డుకునేందుకు ప్రయత్నిస్తున్నారు. సినిమా అడ్డుకునేందుకు ఎన్నికల సంఘానికి వారు ఇప్పటికే ఫిర్యాదు చేసిన సంగతి తెలిసిందే.
ఎవరెన్ని ప్రయత్నాలు చేసినా తన సినిమాను అడ్డుకోలేరని చెబుతున్న రామ్ గోపాల్ వర్మ... ఈ వివాదంపై పలు టీవీ ఛానల్స్లో వరుసగా లైవ్ డిబేట్లు పెడుతున్నారు. ఈ నేపథ్యంలో వర్మకు ఓ వ్యక్తి నుంచి ఆసక్తికర ప్రశ్నలు ఎదురయ్యాయి.
టీడీపీ మద్దతు దారులకు ఏం మెసేజ్ ఇస్తారు?
టీడీపీకి అనుకూలంగా ఉన్న ప్రజలకు మీరు ఎలాంటి మెసేజ్ ఇవ్వాలనుకుంటున్నారు? అనే ప్రశ్నకు రామ్ గోపాల్ వర్మ స్పందిస్తూ.... ‘మెసేజ్ ఇవ్వడానికి నేను మెసెంజర్ కాదు. నేను ఒక సినిమా తీశాను. ఆ సినిమా చూసిన తర్వాత వాళ్లకు కలిగిన ఒక భావనలో నుంచి ఏం చేయాలి? ఏం చేయకూడదు అనేది వాళ్లు నిర్ణయించుకోవాలి. అంతే కానీ వాళ్లు ఏం ఫీలవ్వాలి, ఏం చేయాలని చెప్పడం నా ధర్మం కాదు' అన్నారు.
మూవీ బడ్జెట్ ఎంత?
‘లక్ష్మీస్ ఎన్టీఆర్' సినిమా బడ్జెట్ ఎంత? అని అడిగిన ప్రశ్నకు సమాధానం ఇవ్వడానికి రామ్ గోపాల్ వర్మ నిరాకరించారు. నేను బడ్జెట్ చెబితే మీరు ఇన్కం టాక్స్ వాళ్లకి చెబుతారు. అందుకే నేను చెప్పను అని స్పస్టం చేశారు.
నెత్తిన చెత్త వేసుకున్నట్లే.. అంతకు మించి ఏమీ చేయలేరు, లక్ష్మీస్ ఎన్టీఆర్ విడుదలపై నిర్మాత!
సినిమా ఆపాలంటే మీకు ఎంత డబ్బు కావాలి?
సినిమా ఆపాలంటే మీకు ఎంత డబ్బు కావాలి? ‘లక్ష్మీస్ ఎన్టీఆర్' సినిమా విడుదలైతే ఎంత లాభం వస్తుందో... అంతకంటే ఎక్కువ మొత్తం ఇస్తాం, సినిమా ఆపేయండి అని మీకు ఆఫర్ ఇస్తే సినిమాను ఆపేస్తారా? అనే ప్రశ్నకు రామ్ గోపాల్ వర్మ తనదైన శైలిలో రిప్లై ఇచ్చారు. ఇప్పటి వరకైతే నాకు అలాంటి ఆఫర్ రాలేదు. వచ్చే వారం సినిమా రిలీజ్ కాబోతోంది. ఈ మూమెంటులో ఆపే అవకాశం లేదని వర్మ స్పష్టం చేశారు.
వెన్నుపోటు పర్వం ప్రధానంగా...
ఎన్టీ రామారావు జీవితంలోకి లక్ష్మీ పార్వతి ఎంటరైన తర్వాత చోటు చేసుకున్న పరిణామాలను చర్చిస్తూ... రామారావు కుటుంబంలో, తెలుగుదేశం పార్టీ రాజకీయాల్లో మారిన పరిణమాలు ఫోకస్ చేస్తూ, వెన్నుపోటు పర్వాన్ని హైలెట్ చేస్తూ ‘లక్ష్మీస్ ఎన్టీఆర్' చిత్రం ఉండబోతోంది. మార్చి 29న ఈ చిత్రం విడుదల కాబోతోంది.
లక్ష్మీస్ ఎన్టీఆర్
ఈ చిత్రంలో ఎన్టీఆర్ పాత్రలో థియేటర్ ఆర్టిస్ట్ విజయ్ కుమార్, లక్ష్మీ పార్వతి పాత్రలో కన్నడ నటి యజ్ఞశెట్టి, చంద్రబాబు నాయుడు పాత్రలో శ్రీతేజ్ నటిస్తున్నారు. రామ్ గోపాల్ వర్మ, అగస్త్య మంజు దర్శకత్వం వహించిన ఈ చిత్రాన్ని రాకేష్ రెడ్డి, దీప్తి బాలగిరి నిర్మించారు.