Don't Miss!
- News జగన్ సంచలనం..వైఎస్ భారతికి కీలక బాధ్యతలు
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కనీసం మూడు సార్లు సినిమాని చూడాలి...ఇవివి
ప్రతి సన్నివేశంలో కనీసం ఎనిమిది సార్లైనా ప్రేక్షకులు నవ్వుకుంటారు. రెండున్నర గంటలు సినిమా చూస్తే వారం రోజుల పాటు ప్రేక్షకులు తలచుకొని తలచుకొని మరీ నవ్వుకోవాలి, ఒక్కొక్కరు కనీసం మూడు సార్లు సినిమాని చూడాలి..అనే లక్ష్యంతో ఈ చిత్రాన్ని రూపొందించాను అంటున్నారు ప్రముఖ దర్శకుడు ఇవివి సత్యనారాయణ. ఆయన తాజాగా తన కుమారుడు ఆర్యన్ రాజేష్ హీరోగా 'బురిడి' అనే కామిడీ చిత్రం రూపొందిస్తున్నారు. ఈ నెల 30న ఈ చిత్రం ప్రేక్షకుల ముందుకు రానున్న సందర్భంగా దర్శకుడు ఈవీవీ మీడియాను కలిసి మాట్లాడారు.
ఇక ఈ చిత్రం టైటిల్ గురించి ఆయన మాటల్లోనే...సాధారణంగా టైటిల్స్ అనగానే హీరోని వుద్దేశించి పెడతారు. కానీ 'బురిడి' ఒక హీరో కథ కాదు. ఈ చిత్రంలో కథే హీరో. చిత్రంలోని ప్రతి పాత్రకు ఈ బురిడి అనే టైటిల్ వర్తిస్తుంది. ఏదో ఒక సందర్భంలో ప్రతి పాత్ర వేరే పాత్రను 'బురిడి' కొట్టించడం...వేరే వాళ్ళ చేతిలో తను 'బురిడిగా మారటం జరుగుతుంది. టైటిల్లోనే సినిమాలో వున్న కథ రుచి చూపించగలిగితే అది ఓపెనింగ్స్కు హెల్ప్ అవుతుంది. ఈ విషయాన్ని నేను గట్టిగా నమ్ముతాను అన్నారు.
అలాగే 13 జంటలతో ఈ చిత్రంలో ఓ ప్యారడీ సాంగ్ను పెట్టారు. ఈ విషయంపై స్పందిస్తూ..సినిమా క్లైమాక్స్ కు ముందు ఆ పాట వస్తుంది. చిత్రానికి ప్రధాన ఆకర్షణగా వుండే ఈ పాట పది నిమిషాల పాటు నాన్ స్టాప్ గా వుంటుంది. బ్యాంకాక్ లో ఇప్పటి వరకు ఎవ్వరూ చిత్రీకరించని అందమైన లొకేషన్స్ లో ఎంతో రిచ్గా ఈ పాటను చిత్రీకరించాం. ఎడిటర్ గౌతంరాజు ఈ పాటను చూసి ఎంతో థ్రిల్గా ఫీలయ్యాడు అని చెప్పుకొచ్చారు. ఇక 'బురిడి' కథాంశం ఏమిటీ అంటే...బ్యాంకాక్ వెళ్లిన 13 విచిత్రమైన జంటల మధ్య కొనసాగే వినోదాల విందే ఈ చిత్ర కథాంశం. ఆ జంటలు కూడా ఎంతో విచిత్రంగా వుంటాయి. సుమన్శెట్టి, హేమ ఓ జంట, జయప్రకాష్ రెడ్డి, తెలంగాణ శకుంతల మరో జంట, జీవా, సన అని చెప్పారు.