షాకింగ్ రిపోర్ట్: పవన్, మహేష్, రాజమౌళి, ఎన్టీఆర్, బన్నీ... విషయంలో ఇదీ వాస్తవం!

షాకిస్తున్న గణాంకాలు

ప్రధాని నరేంద్ర మోడీతో పాటు వివిధ రాజకీయ నాయకులు, సినీ తారలను ఇన్ని మిలియన్ల మంది ఫాలో అవుతున్నట్లు నెంబరింగ్ చూసి మనం ఆశ్చర్య పోతుంటాం. అయితే ఇందులో సగంకంటే ఎక్కువ ఫేక్ అకౌంట్సేనని తెలిసింది. ట్విట్టర్లో ఒకరు ఎన్నిఖాతాలైనా తెరుచుకునే వీలుంది. దీంతో చాలా మంది నకిలీ అకౌంట్లు క్రియేట్ చేసి తమ అభిమాన తారలకు, రాజకీయ నాయకులకు ఫాలోయింగ్ నెంబర్ పెంచుతున్నారు. కొన్ని ఐటీ కంపెనీలు దీన్ని వ్యాపారంగా మార్చుకుని నకిలీ అకౌంట్స్ క్రియేట్ చేస్తున్నారట.

ఎక్కువ నకిలీ ఫాలోవర్స్ ఉన్నది పవన్ కళ్యాణ్‌కే

పవన్ కళ్యాణ్... ఇటు సినీ, రాజకీయ సెలబ్రిటీల కేటగిరీలోకి వస్తారు. పవన్ కళ్యాన్ ఖాతాకు అత్యధిక ఫేక్ ఫాలోవర్స్ ఉన్నట్లు తేలింది. ఆయనకు ఉన్న ఫాలోవర్స్‌లో 54 శాతం ఫేక్ అని తేలిపోయింది.

ప్రధాని నరేంద్ర మోడీకి తప్పలేదు

దేశ ప్రధాని నరేంద్ర మోడీకి ట్విట్టర్లో ఫాలోవర్స్ ఎక్కువే. అయితే ఆయన్ను ఫాలో అయ్యే వారిలో 55 శాతం మంది మాత్రమే నిజమైన ఫాలోవర్స్ అని తెలిసింది. దేశ వ్యాప్తంగా సెలబ్రిటీల ఖాతాలు తీసుకుంటే విదేశాంగ మంత్రి సుష్మా స్వరాజ్, తెలగాణ మంత్రి కేటీఆర్‌కు అత్యధికంగా 69 శాతం నిజమైన ఫాలోవర్స్ ఉన్నట్లు తేలింది.

టాలీవుడ్ స్టార్లకు రియల్ ఫాలోవర్స్ ఎంత?

టాలీవుడ్లో దర్శకుడు రాజమౌళికి అత్యధికంగా 72 శాతం మంది రియల్ ఫాలోవర్స్ ఉన్నారు. 68 శాతంతో హీరోయిన్ సమంత, 64 శాతంతో తారక్, 54 శాతంతో నాగార్జున, 53 శాతంతో రానా, 51 శాతంతో మహేష్ బాబు ఉండగా.... కేవలం 49 శాతం రియల్ ఫాలోవర్స్ తో బన్నీ చివరి స్థానంలో ఉన్నారు.

బాలీవుడ్లో...

బాలీవుడ్ చిత్ర సీమలో 71 శాతం రియల్ ఫాలోవర్స్ తో ప్రియాంక చోప్రా ముందు ఉండగా.... 48 శాతం ఫాలోవర్స్‌తో షారుక్ చివరి స్థానంలో ఉన్నారు.