సాయి పల్లవి ఎమోషనల్ స్పీచ్.. భానుమతి.. సింగిల్ పీస్.. హైబ్రిడ్ పిల్లా అంటూ..

ఫిదా సక్సెస్ మీట్‌లో..

ఫిదా సక్సెస్ మీట్‌లో మాట్లాడుతూ.. అమ్మాయిలు కాదు.. అమ్మాయి. భానుమతి. సింగిల్ పీస్. రెండు కులాలు. రెండు మతాలు. హైబ్రిడ్ పిల్లా అంటూ సినిమాలోని డైలాగ్‌ను వినిపించి ఆకట్టుకొన్నారు. ఫిదా చిత్రంలో సాయి పల్లవి చెప్పిన డైలాగ్స్‌కు థియేటర్లలో చపట్లు, ఈలల మోత మోగుతున్న సంగతి తెలిసిందే. కేవలం నటన, డ్యాన్సులకే పరిమితం కాకుండా ఈ పాత్ర కోసం సాయి పల్లవి డబ్బింగ్ చెప్పి అందర్ని ఆశ్చర్యానికి గురిచేసింది.

Recommended Video

Fidaa Movie May Create New Trend

పోస్టర్ చూసి కంటతడి ..

ఫిదా రిలీజ్ డేట్ నాకు ఎమోషన్ రోజు. సినిమా చూడటానికి థియేటర్‌కు వెళ్లినపుడు ఫిదా పోస్టర్ చూసి చాలా ఉద్వేగానికి గురై కంటతడి పెట్టాను. ఈ రోజు కోసం మేమంతా ఏడాది నుంచి ఎదురు చూస్తున్నాం. ఈ సక్సెస్ వెనుక చాలా శ్రమ, పోరాటం, నమ్మకం అన్నీ ఉన్నాయి. ఎవరికీ ఎనర్జీ తగ్గలేదు.

తెలంగాణ పిల్లగా ఒప్పుకొంటారా అని భయపడ్డా

ఫిదా ఇంతటి విజయం సాధించడానికి కారణమైన ప్రతీ ఒక్కరికి నా థ్యాంక్స్. ప్రధానంగా ఆడియెన్స్ ధన్యవాదాలు చెప్పాను. తెలుగులో నాకు తొలి సినిమా. తెలంగాణ అమ్మాయిగా నన్ను ఒప్పుకొంటారా అని భయపడ్టాను. సినిమా చూసిన తర్వాత ప్రేక్షకుల స్పందన చూసిన అనంతరం నాకు అప్పుడు అర్థమైంది.

రివ్యూలతో గొప్ప రిలీఫ్

ఫిదా రిలీజ్ అనంతరం రివ్యూ చదివిన తర్వాత నాకు గొప్ప రిలీఫ్ కలిగింది. ప్రస్తుతం చాలా హ్యాపీగా ఉన్నాను. ఫస్ట్ సీన్‌లో డైలాగ్ కొట్టినపుడు అందరూ చప్పట్లు కొట్టారు. అయినా నాకు నమ్మకం కలుగలేదు. థియేటర్లలో ఆడియెన్స్ చప్పట్లు కొట్టిన తర్వాత నాకు చాలా సంతోషం వేసింది. అందుకు కారణమైన దర్శకుడు శేఖర్ కమ్ములకు పెద్ద థ్యాంక్స్ చెప్పాలి.

క్రెడిట్ అంతా శేఖర్ కమ్ములకే..

నన్ను దృష్టిలో పెట్టుకొని నా కోసం శేఖర్ గారు ఇలాంటి క్యారెక్టర్ రాయడం చూస్తే నేను చాలా లక్కీ. ముఖ్యంగా నాపై అంతగా నమ్మకం పెట్టుకోవడం నా అదృష్టం. నాకు భాష నేర్పించి. నాతో కష్టపడి డబ్బింగ్ చెప్పించారు శేఖర్ కమ్ముల. ఈ సక్సెస్ క్రెడిట్ అంతా శేఖర్ కమ్ములకే దక్కుతుంది.