ఏడిద నాగేశ్వరావుకు చిరు, కె విశ్వనాథ్, బన్నీ నివాళులు...

చిరంజీవి మాట్లాడుతూ..

ఏడిద నాగేశ్వరరావుతో నాకున్న అనుబంధం... కేవలం నిర్మాత, నటుడిగానే కాకుండా అత్యంత సన్నిహితుడు, ఆప్తుడు. ఆయనతో చేసిన స్వయం కృషి, ఆపద్భంధవుడు సినిమాలకు నాకు నంది అవార్డులు వచ్చాయి. ఆయన సినిమాలు ఒక్కొక్కటి ఒక్కో ఆణిముత్యం. అలాంటి గొప్ప వ్యక్తి మన మధ్య లేక పోవడం దురదృష్టం అన్నారు.

రాజేంద్రప్రసాద్ మాట్లాడుతూ..

తెలుగు సినిమా పరిశ్రమలో ముఖ్యుడు మంచి మనిషి ఏడిద నాగేశ్వరరావు. అసలు ప్లాపే లేని నిర్మాత. అద్భుతమైన తెలుగు సంస్కృతిని మాత్రమే చెప్పిన సినిమాలు తీసిన నిర్మాత, హాట్సాఫ్. ఎప్పటికీ గుర్తుంచుకోవాల్సిన మహా నిర్మాతల్లో ఏడిద నాగేశ్వరరావు ఒకరు అన్నారు.

నాగబాబు మాట్లాడుతూ..

తెలుగు సినీ పరిశ్రమకు రాబోయే వంద సంవత్సరాలు గుర్తుండేలా సాగర సంగమం, శంకరా భరణం, స్వాతి ముత్యం లాంటి గొప్ప సినిమాలు తీసారు. ఆయన ఆత్మకు శాంతి చేకూరాలని కోరుకుంటున్నాను అన్నారు.

అల్లు అర్జున్ మాట్లాడుతూ...

శంకరా భరణం, స్వాతి ముత్యం, సిరి సిరి మువ్వ, ఆపద్భాందవుడు, స్వయం కృషి, సీతా కోక చిలుక లాంటి ఎన్నో మంచి సినిమాలు తీసారు. కేవలం డబ్బు కోసమే కాదు, తెలుగు సినిమాకు గౌరవం తెచ్చిన నిర్మాత ఏడిద నాగేశ్వరరావు. ఆయన ఆత్మకు శాంతి చేకూరాలని కోరుకుంటున్నాను అన్నారు.

కోడి రామకృష్ణ మాట్లాడుతూ..

కమర్షియల్ సినిమాలు రాజ్యమేలుతున్న రోజుల్లో... కథ, మ్యూజిక్, దర్శకుడిపై నమ్మకంతో తీసిన ఆయన అభిరుచి ఎంతో గొప్పది అన్నారు.

కె.విశ్వనాథ్ మాట్లాడుతూ...

చాలా మంది మీకు నాగేశ్వరరావుకు ఉన్న అనుబంధం గురించి అడుగుతున్నారు. మద్రాసు నుండి మా అనుబంధం ఉంది. రక్త సంబంధం లాంటి అనుబంధం మాది. ఆయన కుటుంబానికి ఆత్మస్థైర్యం ఇవ్వాలని కోరుకుంటున్నాను అన్నారు.