సినీ విమర్శకుడు, నటుడు కత్తి మహేష్ ఇకలేరు.. రోడ్డు ప్రమాదంలో గాయపడి.. చికిత్స పొందుతూ మృతి

నెల్లూరు జిల్లా వద్ద రోడ్డు ప్రమాదానికి గురై

హైదరాబాద్ నుంచి తన సొంత జిల్లా చిత్తూరుకు వెళ్తూ నెల్లూరు వద్ద జూన్ 26వ తేదీన రోడ్డు ప్రమాదానికి గురయ్యారు. వెంటనే అతడిని నెల్లూరులోని ప్రైవేట్ హాస్పిటల్‌లో చేర్పించి ప్రాథమిక చికిత్సను అందించారు. అనంతరం మెరుగైన చికిత్స కోసం ఆయనను చెనైకి తరలించారు.

చెన్నైలో మెరుగైన వైద్యం

చెన్నైకి తరలించిన తర్వాత కంటికి చికిత్స, ముఖానికి ప్లాస్టిక్ సర్జరీ, తదితరల చికిత్సలు చేయించారు. అయితే ఆయనకు ఓ కన్నుపూర్తిగా పాడైపోయిందని శంకర్ నేత్రాలయ వైద్యులు వెల్లడించారు. ఆయనకు మెరుగైన చికిత్స అవసరమైన నేపథ్యంలో ఆంధ్రప్రదేశ్ ప్రభుత్వం 17 లక్షల రూపాయల సహాయాన్ని ముఖ్యమంత్రి సంక్షేమ నిధి నుంచి అందజేశారు.

చిత్తూరు జిల్లాలో జన్మించి..

కత్తి మహేష్ చిత్తూరు జిల్లాలో జన్మించారు. ఆయన సెంట్రల్ యూనివర్సిటీలో స్నాతకోత్సవ విద్యను అభ్యసించారు. అనంతరం సినీ క్రిటిక్‌గా కెరీర్ ప్రారంభించి... దర్శకుడిగా మారారు. అనంతరం పలు చిత్రాల్లో చిన్న చిన్న వేశాలతో ప్రేక్షకులను ఆకట్టుకొన్నారు. ఇటీవల కాలంలో నటుడిగా బిజీ అవుతున్న తరుణంలో విధివశాత్తూ మృత్యువు కబలించింది.

Recommended Video

Medicare hospital doctors would release health bulletin on Kathi mahesh health condition soon

సినీ విమర్శకుడిగా, దర్శకుడిగా, నటుడిగా

కత్తి మహేష్‌కు సినీ రంగంపైనే కాకుండా రాజకీయ, సామాజిక అంశాలపై విశేషమైన పరిజానం ఉంది. సినీ విమర్శకుడిగా అందరి ప్రశంసలు అందుకొంటూనే దర్శకుడిగా మారారు. పెసరట్టు చిత్రంతో దర్శకుడిగా మారారు. ఆ తర్వాత ఎగిరే తారాజువ్వలు చిత్రాని దర్శకుడిగా వ్యవహరించారు. ఇటీవల రవితేజ నటించిన క్రాక్ చిత్రంతో మరింత పాపులరాటిని సంపాదించుకొన్నారు. అలాగే బిగ్‌బాస్ తెలుగు సీజన్ 1లో సెలబ్రిటీగా పాల్గొన్నారు.