చిరంజీవి చెబితే జనసేనకు సపోర్ట్ చేస్తా.. పవన్, చిరు ఫాన్స్‌కు కూడా గొడవలు వచ్చాయి: బన్నీ

35 వ పడిలోకి స్టైలిష్ స్టార్

స్టైలిష్ స్టార్ అల్లు అర్జున్ ఆదివారం రోజు 35 వ పడిలోకి అడుగుపెట్టాడు. గంగోత్రి చిత్రంతో హీరోగా తన ప్రయాణం మొదలు పెట్టిన అల్లు అర్జున్ తక్కు టైంలోనే తన నటన డాన్సులతో భారీగా అభిమానులని సొంతం చేసుకున్నాడు. తన పుట్టిన రోజు సందర్భంగా అల్లు అర్జున్ ఓ ఇంటర్వ్యూ లో పలు విషయాలు వెల్లడించాడు.

పవన్ కళ్యాణ్ జనసేన పార్టీ గురించి

గత సార్వత్రిక ఎన్నికలకు ముందు పవన్ కళ్యాణ్ జనసేన పార్టీ స్థాపించిన సంగతి తెలిసిందే. మెగా కుటుంబం రాంచరణ్, వరుణ్, సాయిధరమ్ తేజ్ నుంచి పవన్ కు సపోర్ట్ లభించింది. కానీ బన్నీ మాత్రం జనసేన పార్టీ గురించి ఎప్పుడూ మాట్లాడలేదు. తాజాగా బన్నీ జనసేన పార్టీ గురించి ప్రస్తావించారు.

ఆయన చెబితే జనసేనకు సపోర్ట్ చేస్తా

ప్రస్తుతం చిరంజీవి క్రియాశీలక రాజకీయాల్లో లేరు. పొలిటికల్ గా నాకంటూ ఓ స్టాండ్ లేదని బన్నీ తెలిపాడు. ఒకవేళ చిరంజీవి తన తమ్ముడు పవన్ కళ్యాణ్ జనసేన పార్టీకి సపోర్ట్ చేయమంటే తను కూడా చేస్తానని బన్నీ తెలిపాడు. ఆయన మాటే తన మాట కూడా అని బన్నీ అన్నాడు.

చిరు, పవన్ ఫాన్స్ మధ్య గొడవలు

మెగా ఫ్యామిలీ నుంచి చాలా మంది హీరోలు వచ్చారు. చిరంజీవి, పవన్ కళ్యాణ్, చరణ్, వరుణ్, సాయిధరమ్ తేజ్ శిరీష్.. ఇలా ఎవరి ఫాలోయింగ్ వారికీ ఉంది. మొత్తంగా మెగా ఫాన్స్ అంతా ఒక్కటే. కానీ అప్పుడప్పుడు వీరిమధ్య చిన్న సహజమే. కళ్యాణ్ గారు వచ్చిన కొత్తల్లో ఆయనకు ప్రత్యకంగా ఫ్యాన్ ఫాలోయింగ్ ఏర్పడింది. చిరు, పవన్ ఫాన్స్ మధ్య ఎన్నో గొడవలు చూసా. కానీ మళ్ళీ వారంతా కలసిపోతుంటారు. ఇదంతా సహజమే అని బన్నీ తెలిపాడు.

బాక్స్ ఆఫీస్ లెక్కల గురించి

సినిమాకు బాక్స్ ఆఫీస్ లెక్కలు అవసరమే. కానీ ఎప్పుడూ అదే పని పెట్టుకోకూడదు. సినిమా ఒప్పుకునేముందు అనేక విషయాలు ఆలోచించాల్సి ఉంటుంది. అని కుదిరితేనే మంచి సినిమా అవుతుంది.

రంగస్థలం చిత్రంతో నా నమ్మకం నిజమైంది

తమిళ చిత్రాలు ఎక్కువగా 'రా' కంటెంట్ తో ఉంటాయి. ఆ తరహా చిత్రాలు తెలుగులో తీసినా చూస్తారని నమ్మేవాడిని. రంగస్థలం చిత్రంతో నా నమ్మకం నిజమైందని బన్నీ తెలిపాడు. చిట్టి బాబు పాత్రని రాంచరణ్ లాగా మరెవరూ చేయలేరేమో అని బన్నీ అన్నాడు.