Don't Miss!
- News మరోసారి మానవత్వాన్ని చాటుకున్న సీఎం జగన్
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
- Finance Gold Rate: రంకెలు వేస్తున్న బంగారం ధరలు.. నేడు రూ.3,800 పెరగటంతో..
- Automobiles బుల్లితెర నటి 'ప్రజ్ఞా భట్' కొత్త కారు చూసారా.. ధర ఎంతో తెలుసా?
- Sports Hardik Pandya: కెప్టెన్గా చెత్త రికార్డు సాధించా.. హ్యాపీనే!
- Lifestyle ఈ అలవాట్లు ఉన్నవారికి తీవ్ర కడుపులో అల్సర్ వచ్చే అవకాశం ఉంది...వెంటనే బయటపడండి...!
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
కమల్ రెండో కూతురు తక్కువదేం కాదు(ఫొటో)
ముంబై : అక్కకు ఏమాత్రం తీసిపోను అంటుంది చెల్లి అక్షర హాసన్. కమల్, సారికల వారసత్వం కొనసాగిస్తూ ఆమె నటిగా మారిన సంగతి తెలిసిందే. ఆర్ .బాల్కీ దర్శకత్వంలో 'షమితాబ్' చేస్తోంది. ఈ చిత్రంలో 'రాంఝానా' చిత్రంలో హిందీలో అడుగుపెట్టిన రజినీకాంత్ అల్లుడు ధనుష్ కి జోడీగా కనిపించనుంది. ఈ మేరకు ఈ చిత్రానికి సంభందించిన ఆమె ఫస్ట్ లుక్ బయిటకు వచ్చింది. అయితే ఇది అఫీషియల్ కాదు. షూటింగ్ లొకేషన్ లో ఉన్నవారు తీసి అప్ లోడ్ చేసింది. 'షమితాబ్'కు ఇళయరాజా సంగీతాన్ని సమకూరుస్తున్నారు. పీసీ శ్రీరామ్ కెమెరాను నిర్వహిస్తున్నారు.
తొలి చిత్రంలోనే అమితాబ్ కీలకమైన పాత్రలో చేస్తున్న చిత్రం చేస్తూండటంతో ఆమె చాలా సంతోషంగా ఉంది. చీనీ కమ్', 'పా' సినిమాలను తెరకెక్కించిన ఆర్ బాల్కీ తాజా సినిమాకు దర్శకత్వం వహించనున్నారు. ఈ సినిమా టైటిల్ గురించి అమితాబ్ ట్వీట్చేశారు. "ఆర్ బాల్కీ దర్శకత్వంలో నేను నటించబోయే కొత్త సినిమాకు 'షమితాబ్' అనే పేరును ఖరారు చేశారు. 'షమితాబ్' అంటే పర్టిక్యులర్గా ఏ అర్థం లేదు. కానీ 'షమితాబ్' అనే టైటిల్ను ఎందుకు పెట్టామో సినిమా చూస్తే అర్థమవుతుంది'' అని ట్వీట్ చేశారు.
జాతీయ నటుడు కమలహాసన్ది సినీ కుటుంబంగా అభివర్ణిస్తారు. ఎందుకుంటే కమల్ మొదలుకుని ఆయన కుటుంబంలో ఎక్కువమంది సినిమావాళ్లు కావడం గమనార్హం. కమల్ పెద్ద అన్నయ్య చారుహాసన్ గతంలో పలు చిత్రాల్లో నటించిన విషయం తెలియంది కాదు. ఇక చారుహాసన్ కుమార్తె అయిన సుహాసిని ప్రముఖ నటిగా వెలుగొందుతోంది. ఇక ఆమె భర్త మణిరత్నానికి దర్శకుడిగా ఎంతటి పేరు ప్రఖ్యాతులు ఉన్నాయో విదితమే. సుహాసిని కజిన్ కూడా కొన్ని సినిమాల్లో నటించింది. ఇక కమల్ నుంచి విడాకులు పొందిన మొదటిభార్య వాణీగణపతి కాస్ట్యూమ్ డిజైనర్గా ఉండేవారు.
ఆ తర్వాత ఆయన రెండోభార్య సారిక కూడా హీరోయిన్గా బాలీవుడ్ చిత్రాలు చేసిన సంగతి తెలిసిందే. ప్రస్తుతం ఆయనతో సహజీవనం చేస్తున్న గౌతమి కూడా నటి. ఇప్పుడు కమల్ కుటుంబ వారసత్వాన్ని పుణికి పుచ్చుకున్న ఆయన కుమార్తె శృతిహాసన్ హీరోయిన్గా మారింది. తండ్రితో పాటు శృతిని స్ఫూర్తిగా తీసుకుని అక్షర హాసన్ కూడా తెరంగేట్రం చేయటంతో కమల్ చాలా ఆనందంగా ఉన్నారు.