‘ఆ రోజు రాముడు చేసింది తప్పయితే నాదీ తప్పే’ అంటున్న మోహన్ బాబు!

ఆ రోజు రాముడు చేసింది తప్పు అయితే...నాదీ తప్పే

"ఆ రోజు రాముడు చేసింది తప్పు అయితే...నాదీ తప్పే" అంటూ సినిమాలో మోహన్ బాబు చెప్పిన డైలాగుతో ఈ పోస్టర్ విడుదల చేశారు. ఈ డైలాగ్ బట్టే ఆయన పాత్ర సినిమాలో ఎంత పవర్ ఫుల్ గా ఉంటుందో అర్థం చేసుకోవచ్చు.

పెదరాయుడు, రాయలసీమ రామన్న చౌదరి తర్వాత ఆస్థాయిలో..

మోహన్ బాబు కెరీర్లో పెదరాయుడు, రాయలసీమ రామన్న చౌదరి చిత్రాలు ఎప్పటికీ గుర్తుండి పోయే చిత్రాలు. ఆ సినిమాల స్థాయికి ఏ మాత్రం తగ్గకుండా ‘గాయిత్రి' సినిమా తెరకెక్కుతోందని తెలుస్తోంది.

మంచు విష్ణు కూడా

'గాయత్రి' చిత్రంలో విష్ణు మంచు కూడా మరో పవర్ఫుల్ పాత్రలో నటిస్తున్నారు. విష్ణుకు జోడిగా శ్రియ నటిస్తోంది.

‘గాయిత్రి' అంటే ఎవరు?

ఈ చిత్రంలో టైటిల్ రోల్ నిఖిలా విమల్ నటిస్తున్నారు. మోహన్ బాబు కూతురిగా ఆమె కనిపించబోతున్నారు. ‘గాయిత్రి' పాత్ర చుట్టూ సినిమా నడుస్తుందని తెలుస్తోంది.

బ్రహ్మానందం, అనసూయ

ఈ చిత్రంలో ముఖ్య పాత్రల్లో బ్రహ్మానందం, అనసూయ భరద్వాజ్ నటిస్తున్నారు. బ్రహ్మానందం అంటే సినిమాలో ఫన్ గ్యారంటీ. అనసూయ జర్నలిస్ట్‌గా నటిస్తోంది.

రిలీజ్ డేట్ ఖరారు

ఫిబ్రవరి 9 ను విడుదల తేదీగా ఖరారు చేసిన 'గాయత్రి' చిత్రాన్ని మోహన్ బాబు తమ సొంత బేనర్ 'శ్రీ లక్ష్మి ప్రసన్న పిక్చర్స్'పై నిర్మిస్తుండగా అరియానా, వివియానా మరియు విద్యా నిర్వాణ సమర్పిస్తున్నారు.

తెర వెనక

ఈ చిత్రానికి సంగీతం: ఎస్.ఎస్.తమన్, ఛాయాగ్రహం: సర్వేశ్ మురారి, ఆర్ట్: చిన్న, ఎడిటర్: ఎంఆర్ వర్మ, ఫైట్స్: కనల్ కణ్ణన్, కొరియోగ్రఫీ: ప్రేమ్ రక్షిత్, గణేష్ ఆచార్య. కో-డైరెక్టర్స్: అనిల్ కుమార్, కె.వి.ఎస్.ఎన్, గుణ నాగేంద్ర ప్రసాద్, రవి బయ్యవరపు, ఎగ్జిక్యూటివ్ నిర్మాత: విజయకుమార్.ఆర్, నిర్మాత: డా. మోహన్ బాబు యమ్, దర్శకత్వం: మదన్ రామిగాని.