షకీలా పోర్న్ స్టార్ కాదు: బయోపిక్ ఫస్ట్ లుక్ షేర్ చేసిన హీరోయిన్!

షకీలా... నాట్ ఎ పోర్న్ స్టార్

‘షకీలా-నాట్ ఎ పోర్న్ స్టార్' పేరుతో పోస్టర్ విడుదల చేశారు. ఇండియాలో చాలా మందికి షకీలా మీద పోర్న్ స్టార్ అనే అభిప్రాయం ఉంది. ఈ సినిమా ద్వారా ఆమెపై పడ్డ పోర్న్ స్టార్ ఇమేజ్ తుడిచేసే ప్రయత్నం చేస్తున్నట్లు తెలుస్తోంది.

ఆమె జీవితంలోని ముఖ్య అంశాలు

ఈ బయోపిక్ మూవీలో షకీలా జీవితంలోని ముఖ్య ఘట్టాలు చూపించబోతున్నారు. ఆమె అడల్ట్ సినిమా రంగం వైపు ఎలా వెళ్లారు? ఆ రంగంలో అంత పెద్ద స్టార్‌గా ఎదగడానికి కారణమైన అంశాలేమిటి? అనేది ఇందులో చూపించబోతున్నారు.

కష్టాలు, అవమానాలు సైతం

షకీలా తన జీవితంలో పడ్డ కష్టాలు, అవమానాలు సైతం ఈ చిత్రంలో చూపించబోతున్నారు. ముఖ్యంగా ఆమె కుటుంబ నేపథ్యానికి సంబంధించి పలు షాకింగ్ విషయాలు ఇందులో ఫోకస్ చేయబోతున్నారట.

సూపర్ స్టార్ పాత్రలో, ప్రియుడి పాత్రలో

ఈ చిత్రంలో పంకజ్ త్రిపాఠి, రాజీవ్ పిల్లై ముఖ్య పాత్రల్లో కనిపించబనున్నారు. సౌత్ సూపర్ స్టార్ పాత్రలో పంకజ్, రాజీవ్... షకీలా ప్రియుడి పాత్రలో కనిపించబోతున్నారు.

ఆమె జీవితంలోని ఎత్తు పల్లాలు

నాకు 2003లో ఓ సినిమాలో పని చేసే వరకు షకీలా గురించి తెలియదు. తెలిసిన తర్వాత ఆమె జీవితంపై సినిమా తీయాలనిపించింది. తన జీవితంలో షకీలా లగ్జరీ లైఫ్ అనుభవించారు. తర్వాత అన్నీ కోల్పోయారు. అసలు ఆమె జీవతంలో ఏం జరిగింది అనేది ఈ సినిమాలో చూపించబోతున్నాం అని దర్శకుడు ఇంద్రజిత్ లంకేష్ తెలిపారు.