రామ్ 'మసాలా' ఫస్ట్ లుక్(ఫోటో)

హైదరాబాద్: వెంకటేష్,రామ్ కాంబినేషన్ లో రూపొందిన చిత్రం 'మసాలా' . హిందీలో విజయవంతమైన 'బోల్‌ బచ్చన్‌' ఆధారంగా తెరకెక్కించారు. అంజలి, షాజన్‌ పదమ్‌సీ హీరోయిన్స్. కె.విజయ్‌భాస్కర్‌ దర్శకత్వం వహిస్తున్నారు. స్రవంతి రవికిషోర్‌ నిర్మాత. డి.సురేష్‌బాబు సమర్పకులు. ఈ చిత్రం ఫస్ట్ లుక్( తొలి ప్రచార చిత్రం) విడుదల చేశారు.

వెంకటేష్, రామ్ అభిమానులు పండుగ చేసుకునేలా 'మసాలా' సినిమా ఫస్ట్ లుక్ విడుదలయింది. సినిమా నిర్మాతలు అధికారికంగా దీన్ని విడుదల చేశారు. ఈ ఫస్ట్ లుక్ ఫోటోని సోషల్ నెట్ వర్కింగ్ సైట్స్ లో వెంకటేష్, రామ్ ఫోటో పెట్టిన సంగతి తెలిసింది. చూడగానే ఆకట్టుకునేలా ఈ చిత్రాన్ని రూపొందించారు. ఇప్పటి వరకు ఈ సినిమాకు చాలా టైటిళ్లు ప్రచారంలోకి వచ్చాయి. 'మసాలా' పోస్టర్ విడుదలతో టైటిల్ పై క్లారిటీ వచ్చినట్లైంది.

వెంకటేష్

వెంకటేష్ సరసన అంజలి, రామ్ కు జోడీగా షాజన్ పదమ్ సి నటించారు. 'మసాలా' ఆడియో దసరాకు విడుదల చేయనున్నారు. ఎస్ ఎస్ తమన్ ఈ సినిమాకు సంగీతం అందించాడు. అక్టోబర్ చివరి వారంలో సినిమా విడుదల చేయాలని నిర్మాతలు భావిస్తున్నారు. వెంకటేష్, రామ్ తొలిసారిగా కలిసి నటిస్తుండడంతో ఈ సినిమా కోసం అభిమానులు ఆసక్తిగా ఎదురుచూస్తున్నారు.

నిర్మాత మాట్లాడుతూ ''ఆద్యంతం వినోదాత్మకంగా సాగే చిత్రమిది. హీరోయిన్స్ తెరపై కనిపించే విధానం కొత్తగా ఉంటుంది. దసరా పండగ రోజున పాటల్ని విడుదల చేస్తాం. అక్టోబరు నెలాఖరున చిత్రాన్ని ప్రేక్షకుల ముందుకు తీసుకొస్తాం'' అన్నారు. ఈ చిత్రానికి సంగీతం: తమన్‌.