ఎన్టీఆర్ 'రాఖీ'ని కామిడీ చేస్తే..

By Staff

| Published: Monday, January 12, 2009, 14:24 [IST]

ఎన్టీఆర్ హీరోగా కృష్ణవంశి రూపొందించిన రాఖీ చిత్రాన్ని కామెడీ చేస్తే అదే ఇవివి మాస్టర్ సినిమా అనే టాక్ వినిపిస్తోంది. పూర్తి సెంటిమెంట్ తో ఎమోషన్స్ పలికించే ఆ చిత్రంలో హీరో తన భుజ బలాన్ని నమ్ముకుని ఆడవాళ్ళని అన్యాయం చేసిన వాళ్ళని అంతమొందిస్తూంటాడు. దానికి కారణం అమితంగా ప్రేమించే అతని చెల్లెలు వరకట్న దాహానికి బలైపోతుంది. అలాంటి సెంటిమెంటే ఫిటింగ్ మాస్టర్ లోనూ ఉందని చెప్పుకుంటున్నారు.

తన చెల్లికి జరిగిన అన్యాయానికి అతను తన బుద్ది బలంతో ఎలా బుద్ది చెప్పాడనేదే కథ అని సమాచారం. డైరక్ట్ గా పగతీర్చుకోలేని అతను విలన్స్ మధ్య ఫిటింగ్ లు పెట్టి వారిని అంతం చేస్తాడని,వారి వేలు తోనే వారి కన్ను పొడిపించే స్కీమే నరేష్ ఫాలో అవుతాడని చెప్తున్నాడు. సంక్రాంతి రోజు రిలీజయ్యే ఈ సినిమాలో నరేష్ కి జోడిగా మదాలసా శర్మ అనే కొత్త అమ్మాయి హీరోయిన్ గా చేస్తోంది. అయితే ఇలాంటి పాయింటుతోనే గతంలో అలీ హీరోగా వచ్చిన హాస్య చిత్రం పిట్టల దొర గుర్తు వచ్చే అవకాసం కూడా ఉందని కొందరు శెలవిస్తున్నారు. ఆ సినిమాలోని ఇంత కూరుంటెయ్యమ్మో..ఇంత పప్పుంటే వెయ్యమ్మో అనే బొంబయి సినిమాలోని పాటకు పేరడి సాంగ్ ఇఫ్పటికీ అందరికి ఫేవరెట్ సాంగే.